Adını səhv tələffüz etdiyimiz 14 məşhur brend | 1news.az | Xəbərlər
Cəmiyyət

Adını səhv tələffüz etdiyimiz 14 məşhur brend

16:18 - 18 / 11 / 2019
Adını səhv tələffüz etdiyimiz 14 məşhur brend

Xarici brendlər həyatımızın ayrılmaz hissəsidir və onların bir çoxunun adı qulağımız üçün adiləşib. Şirkətin əsası qoyulduğu ölkənin dilinin özəlliklərini bilmədikdə isə onun adını tələffüz edərkən böyük səhvə yol verə bilərik...

1news.az bizplus.az-a istinadən dünyaca məşhur brendlərin adlarının düzgün deyiliş qaydalarını təqdim edir:

"Pierre Cardin"

Dəb brendinə öz adını verən məşhur dizaynerin adını fransız dilinin qaydalarına uyğun tələffüz etmək lazımdır: bu halda "i" hərfi "a" kimi oxunur - "P`yer Kardan".

"Huawei"

Məşhur Çin şirkətinin adının tələffüzü zamanı ilk hərf oxunmur - "Vavey".

"Xiaomi"

Smartfon istehsalçısı olan şirkətin adındakı "x" hərfi "ş" kimi tələffüz edilməlidir - "Şaomi". Bunu şirkətin vitse-prezidenti Hyüqo Barra da təsdiqləyib.

"Balmain"

Modelyer Pyer Balman tərəfindən əsası qoyulan dəb evinin adının tələffüzü zamanı "I" incəlir, "e" ilə "n" isə fransız dilində "an" kimi səslənir. Sonda olan "n" hərfi isə, demək olar, tələffüz edilmir - "Bal`man".

"Chopard"

Saat və zinyət əşyalarının məşhur istehsalçısının adı fransız dilinin qaydalarına əsasən "Şopard" kimi tələffüz edilir. Burada "ch" "ş"-ya keçir, sonda olan "d" hərfi isə oxunulmur.

"Evian"

Bu su brendinin adını da tələffüz etmək üçün fransız dilini bilmək lazımdır. Burada "v" hərfi incəlir, "ia" birləşməsi isə "e" kimi tələffüz edilir - "Ev`yen".

"Adobe"

Məşhur qrafik redaktor proqramının adı kütləvi şəkildə səhv tələffüz olunur. Məsələ bundadır ki, "adobe" - ispan sözüdür. Onun ümumqəbulolunmuş tələffüzü isə "Edoubi" kimi səslənir.

"Hennessy"

Konyak evinin əsası irlandiyalı Riçard Hennensi tərəfindən qoyulsa da, onun adını fransız dilinə uyğun "Ensi" kimi tələffüz etmək lazımdır.

"Burberry"

Bu brendin də adı səhv tələffüz olunur. Düzgün variant - "Börberri"dir - şirkətin yaradıcısının soyadı ilə eyni.

"Clarins"

Bu kosmetik markanın adını yazılışına uyğun olaraq səhvən "Klarins" kimi tələffüz edirlər. Amma brendin düzgün adı "Klerans"dır. Belə ki, burada "a" hərfi "e" kimi, "i" hərfi isə "a" kimi səslənir.

"Diesel"

Bu italyan brendi dəbli saat və geyimləri ilə məşhurdur. Onun da adını tez-tez səhv tələffüz edirlər. Əslində isə burada "e" hərfi "a" kimi səslənir, sonda olan "l" hərfi isə incəlmir - "Dizal".

"UGG"

Ayaqqabı brendinin adı kütləvi şəkildə düzgün tələffüz edilmir. Qış çəkmələrinin düzgün tələffüzü - "Aqqi"dir.

"Hublot"

Saat istehsalı ilə məşğul olan şirkətin əsası İsveçrədə qoyulmasına baxmayaraq, onun adını fransızsayağı tələffüz etmək lazımdır. Bu halda birinci və sonuncu hərflər tələffüz olunmur, "u" isə incəlir - "Yu`blo".

1news.az

Paylaş:
1185

Son xəbərlər

NYMEX əmtəə birjasında təbii qazın qiyməti artıbBu gün, 10:01Xırdalanda partladıcı və qumbaralar tapılıb - VİDEOBu gün, 09:46Azərbaycan neftinin qiyməti 89 dolları ötübBu gün, 09:44Ötən gün vətəndaşlardan götürülən silahların sayı açıqlandıBu gün, 09:29Beynəlxalq əmtəə, fond və valyuta bazarlarının göstəriciləriBu gün, 09:22Füzuli şəhərinə növbəti köç karvanı yola salınıbBu gün, 09:11Şirvanda saxlanılan şəxsdən 4 kiloqram narkotik vasitə götürülübBu gün, 09:08Bakının bir sıra yollarında nəqliyyatın hərəkətində çətinliklər yaranıbBu gün, 08:58İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06“Azərbaycan Sənaye Bankı” tələbləri pozdu, AMB məcburi sərəmcam verdi28 / 03 / 2024, 15:57FHN və ADY birgə təlim keçirib - FOTO - VİDEO28 / 03 / 2024, 15:34
Bütün xəbərlər