“Azərbaycan Dəmir Yolları” QSC: Xırdalan stansiyasında texniki nasazlıq aradan qaldırılıb
Bu gün saat 08:30 radələrində dəmir yolunun Xırdalan stansiyasının kontakt şəbəkəsində nasazlıq yaranıb.
1news.az-ın verdiyi xəbərə görə, “Azərbaycan Dəmir Yolları” QSC Mətbuat katibliyi şöbəsinin yaydığı açıqlamada bildirilib ki, yağışlı hava şəraiti ilə əlaqədar yaranan atmosfer gərginliyi nəticəsində, kontakt şəbəkəsində izolyator zədələnib:
“Yaranmış nasazlıq nəticəsində Sumqayıt-Bakı elektrik qatarları Xırdalan stansiyasında 23-42 dəqiqə arası dayanmalı olub. Nasazlıq təcili olaraq aradan qaldırılıb və qatarlar hazırda öz qrafiki üzrə hərəkət edir.
“Azərbaycan Dəmir Yolları” QSC yaranmış narahatlığa görə sərnişinlərdən üzr istəyir”.
S.Xankişiyeva
478