İşğal altında olan Dağlıq Qarabağda ilk koronavirusa yoluxma aşkarlandı
Ermənistan tərəfindən işğal altında olan Azərbaycan torpağı Dağlıq Qarabağda koronavirusa ilk yoluxma faktı qeydə alınıb.
1news.az xəbər verir ki, bu barədə "Sputnik Ermənistan" məlumat yayıb.
Agentliyinin yazdığına görə, işğal altında Dağlıq Qarabağda olan iki nəfərdən götürülən nümunə test üçün Ermənistana göndərilib. Həmin test nəticələrindən birində koronavirus aşkarlanıb. Həmin iki nəfərlə təmasda olan iki 17 nəfərin təcrid olunaraq, müşahidə altına alındığı bildirilib.
Qeyd edək ki, martın 26-da koronavirus epidemiyasının yayılmasının qarşısını almaq üçün Ermənistandan Dağlıq Qarabağa giriş məhdudlaşdırılıb. Aprelin 7-nə olan məlumata görə, Ermənistanda koronavirusa virusuna yoluxanların sayı 853 nəfərdir, onlardan 8 nəfər ölüb.
Qafar Ağayev