Ramin Bayramlı: Bizim tibb işçiləri arasında da yoluxma halları var
“Bizim tibb işçiləri arasında da yoluxma halları var”.
1news.az xəbər verir ki, bunu Nazirlər Kabineti yanında Operativ Qərargahın mətbuat konfransında qərargahın üzvü, Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı deyib:
“Bunu vurğulamaq istəyirəm ki, bu pandemiya xəstəxansında baş verən cəmi 1 halımız var. Bu hallar baş verir əsasən pandemiya ilə məşğul olmayan tibb müəssisələrində, hansı ki, pasientlər digər patalogiyalarla müraciət edirlər. Orada tibb müəssisəsində çalışan, xüsusilə də orta tibbi personal işinə məsuliyyətsiz yanaşdıqda belə bir hal baş verir. Biz tibb işçilərimizin özlərini qorumaları üçün təlimatlar hazırlamışıq”.
R.Bayramlı bildirib ki, bu risklər tibb işçilərini daim gözləyir.
“Biz digər vətəndaşlarımıza müraciət edirik ki, onlar evdə qalıb karantin rejiminə müraciət etsinlər, amma tibb işçilərimizi daha təhlükəsiz şəkildə işlətməyə çalışırıq. Təəssüf ki, bu hallarda da mövcuddur. Amma dünyada səhiyyəsi inkişaf etmiş ölkələrlə müqayisə etsək bizdə belə halların sayı elə də çox deyildir. Lazım olan bütün qoruyucu vasitələrlə pandemiya xəstəxanalarımız təmin edilib, digər xəstəxanalarımızın təchizatı baxımından isə müəyyən çatışmazlıqlar sürətlə aradan qaldırılır”.
Qafar Ağayev