ru

Cəmiyyət

19 Avqust saat 12:20

“Relax” istirahət mərkəzində vergi işçiləri döyülüb – VİDEO

“Relax” istirahət mərkəzində vergi işçiləri döyülüb – VİDEO

Lerikdə “Relax” istirahət mərkəzində baş verən insidentlə bağlı 6 nəfər tutulub.

1news.az-ın APA-ya istinadla verdiyi xəbərə görə, ötən gün “Relax” istirahət mərkəzinin rəhbərliyində təmsil olunan bir qrup şəxs oraya yoxlama üçün gələn Vergilər Nazirliyi əməkdaşlarına müqavimət göstəriblər.

Hadisə yerinə hüquq-mühafizə orqanlarının əməkdaşları çağırılıb. Buna baxmayaraq, dövlət qurumunun nümayəndələrinin vəzifələrini icra etməsinə imkan verilməyib və qarşıdurma yaranıb.

Həmçinin APA-nın yaydığı məlumata görə, istirahət mərkəzinin rəhbəri, deputat İqbal Məmmədovun oğlu Mirhəmid Nərimanlı da daxil olmaqla 6 nəfər tutulub. Mirhəmid Nərimanlı, onun yaxın qohumları Orxan Nərimanlı, Pərviz Əsgərov, Famil İmanov, Rəhim Şahverdiyev və Amil Abbasov saxlanılıblar.

1news.az-ın verdiyi xəbərə görə, fakt Daxili İşlər Nazirliyində təsdiqlənib, lakin saxlanılanların adı hələ ki, açıqlanmayıb.

Bu saat 14:00-dan sonra Vergilər, Daxili İşlər nazirlikləri və Baş Prokurorluq “Relax” istirahət mərkəzində baş verən insidentlə bağlı açıqlama yayacaq.

S.Xankişiyeva

 

 

 

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News", İnformasiya Agentliyi
Bütün hüquqlar qorunur