ru

İqtisadiyyat

19 Avqust saat 15:30

Türkiyə-Rusiya-Azərbaycan: Enerji və Nəqliyyat Forumu keçiriləcək

Türkiyə-Rusiya-Azərbaycan: Enerji və Nəqliyyat Forumu keçiriləcək

Avqustun 21-də Türkiyənin paytaxtı Ankara şəhərində Türkiyə, Rusiya  və Azərbaycanın ekspertlerinin iştirakı ilə nəqliyyat və enerji sahəsində Forum keçiriləcək.

1news.az xəbər verir ki,  Forumda üç ölkə arasında yeni regional enerji və nəqliyyat məsələləri üzrə tərəfdaşlıq mövzularının müzakirəsi nəzərdə tutulub.  Ankara Rusiya Araşdırmaları İnstitununun verdiyi məlumata görə, Forum Ankara Yıldırım Bəyazit Universitetində baş tutacaq.

Qeyd edək ki, XXI əsrdə regional və qlobal əməkdaşlıqlar yeni-yeni imkanlar təklif etməkdədir. Türkiyə-Rusiya əlaqələrinin bir çox sahələrdə inkişaf etdiyi bir dövrdə Azərbaycanın da iştirakıyla Qafqaz və Orta Asiyaya təsir edə biləcək yeni əməkdaşlıq imkanlarının ortaya qoyulması məqsədi ilə üç ölkə  mütəxəssisləri qarşılıqlı fikir mübadiləsi aparacaqlar.

Bu forumda, ekspertlər mövcud problemlərin həlli imkanları ilə bağlı yeni təkliflər irəli sürəcəkləri gözlənilir.

Sözügedən Forumun birinci hissəsi Türkiyədə, ikincisi isə Azərbaycanda keçiriləcək. Tədbirin davamı, yəni üçüncü hissəsi dəyirmi masa şəklində Rusiyada baş tutmaqla yanaşı, mövcud problemlərin həllinə dair fikirlər məruzə halına salınaraq kitablaşdırılacaq.

Forum Rusiya Federasiyası Prezident Fondunun dəstəyi, Moskva Çağdaş Türkiyə Araşdırmaları Mərkəzi, Ankara Rusiya Araşdırmaları İnstitutu və Bakı Network-un əməkdaşlığı əsasında həyata keçirilir.

Forumda Ankara Rusiya Araşdırmaları İnstitutunun rəhbəri və Ankara Yıldırım Bəyazit Universitetinin professoru Salih Yılmaz, Moskva Çağdaş Türkiyə Araşdırmaları Mərkəzinin rəhbəri Amur Hacıyev,  Bakı Network-un direktoru Elxan Ələsgərov, Azərbaycanın Türkiyədəki səfiri Xəzər İbrahim, Rusiyanın Türkiyədəki səfiri Aleksey Yerxov, Ankara Yıldırım Bəyazit Universitetinin rektoru İbrahim Aydınlı və digər mütəxəssisislərin fikirləri dinləniləcək.

1news.az

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News", İnformasiya Agentliyi
Bütün hüquqlar qorunur