Vergi güzəştləri hesabına Azərbaycanda biznes mühiti qorunub saxlanılacaq | 1news.az | Xəbərlər
İqtisadiyyat

Vergi güzəştləri hesabına Azərbaycanda biznes mühiti qorunub saxlanılacaq

19:51 - 01 / 04 / 2020
Vergi güzəştləri hesabına Azərbaycanda biznes mühiti qorunub saxlanılacaq

Azərbaycan hökuməti ölkədə makro-iqtisadi sabitliyi qorumaq, koronavirus infeksiyasının iqtisadiyyata vurduğu ziyanın minimuma endirilməsi üçün ciddi və sistemli tədbirlər həyata keçirir.

Bunu Trend-ə Milli Məclisin deputatı, akademik Ziyad Səmədzadə deyib.

Z.Səmədzadə bildirib ki, Azərbaycan Prezidenti İlham Əliyevin 19 mart tarixli sərəncamı ilə koronavirusun ölkə iqtisadiyyatına, makroiqtisadi sabitliyə, məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı konkret təkliflər hazırlamaq üçün dörd işçi qrupu yaradılıb:

"Bildiyiniz kimi, işçi qruplarından birinə də İqtisadiyyat naziri Mikayıl Cabbarov rəhbərlik edir. Mikayıl Cabbarov martın 31-də cənab Prezident İlham Əliyevin qəbulunda olarkən bildirdi ki, konkret təkliflər hazırlanaraq hökumətə təqdim edilib. Mən hazırlanan təkliflərlə tanış oldum və bir iqtisadçı kimi bildirmək istərdim ki, bu təkliflər kifayət qədər sistemli yanaşma, müqayisəli təhlillər və dərin araşdımalar nəticəsində hazırlanıb. Təkliflər reallığı əks etdirir və Azərbaycanın gələcəkdə inkişaf imkanlarının genişləndirilməsinə yönələn tədbirləri özündə ehtiva edir".

Z.Səmədzadə vurğulayıb ki, görülən işlərin miqyası çox geniş və əhatəlidir: "9 proqram hazırlanıb. İlk növbədə dəstək proqramının maliyyə tutumu barədə bildirmək istərdim. Yəni dövlət tərəfindən iqtisadiyyatın aparıcı sektorlarına, ziyan çəkən sahələrə dövlət dəstəyi 2.5 milyard manat olacaq. Bu, dövlət büdcəsinin təqribən 10 faizini təşkil edir. Əgər Azərbaycan iqtisadiyyata dövlət büdcəsinin 10 faizi qədərində maliyyə dəstəyi ayırırsa, bu, dövlətin ziyanı aradan qaldırmaq imkanlarından xəbər verir".

Z.Səmədzadə bildirib ki, Azərbaycan bu zərəri aradan qaldırmaq üçün heç bir beynəlxalq təşkilata müraciət etmir: "Yalnız özünün daxili imkanları hesabına zərəri aradan qaldırmağa çalışır. Bu isə bizim son 15 il ərzində əldə etdiyimiz uğurların məntiqi nəticəsidir".

Deputat vurğulayıb ki, dəstək çərçivəsində şəffaf işləyən sahibkarlar işçilərinin əməkhaqlarının da bir hissəsini dövlətdən alacaqlar: "Yəni dövlət əmək müqavilələrinin sayından asılı olaraq sahibkarlara dəstək göstərəcək. Bu isə qeyri-dövlət sektorunda çalışan 300 mindən çox insanı əhatə edəcək".

Z.Səmədzadə qeyd edib ki, bəzi sahələr, o cümlədən turizm koronavirusun 100 faiz təsirinə məruz qalıb və bildiyiniz kimi, bu müəssisələr Nazirlər Kabinetinin qərarı ilə öz fəaliyyətlərini dayandırıb: "Fəaliyyətini məcburən dayandırmış subyektlərə dövlət tərəfindən kömək olacaq və bu da Azərbaycan dövlətinin ölkə iqtisadiyyatının qorunması üçün atdığı ən vacib addımlardan biridir.

İqtisadiyyat Nazirliyinin hazırladığı təkliflər çərçivəsində kiçik sahibkarlara dəstək diqqəti xüsusi cəlb edir. Azərbaycanda mikro və fərdi sahibkarlar var ki, onların da sayı təqribən 290 min nəfərdir. Eyni zamanda biznesə vergi güzəştləri tətbiq ediləcək ki, bu da çox ciddi bir addımdır və güzəştlər hesabına Azərbaycanda biznes mühiti qorunub saxlanılacaq. Vacib məsələlərdən biri də vergi ödəyicilərinin bank kreditlərinə dəstək verilməsidir".

S.Xankişiyeva

 

Paylaş:
1464

Son xəbərlər

İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06“Azərbaycan Sənaye Bankı” tələbləri pozdu, AMB məcburi sərəmcam verdi28 / 03 / 2024, 15:57FHN və ADY birgə təlim keçirib - FOTO - VİDEO28 / 03 / 2024, 15:34Vilayət Eyvazov Şamaxıda vətəndaşları qəbul edib28 / 03 / 2024, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edib28 / 03 / 2024, 15:08“YAŞAT” Fondu müharibə əlilinə dəstək verib28 / 03 / 2024, 14:36“Azərişıq” Göyçayda yenidənqurma işlərinə başlayıb - VİDEO28 / 03 / 2024, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyil28 / 03 / 2024, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”28 / 03 / 2024, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olundu28 / 03 / 2024, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıb28 / 03 / 2024, 13:10
Bütün xəbərlər