Reza Deqatidən Şuşa ilə bağlı paylaşım: “Ayaqyalın qaçmaq məcburiyyətində olanların övladları başqa paltarda qayıtdılar” - FOTO

Dünyaca məşhur Azərbaycan əsilli fotoqraf Reza Deqati öz sosial şəbəkə hesabında Şuşada 1992-ci ildə və 2020-ci ildə çəkdiyi fotonu paylaşıb.

1news.az-ın xəbərinə görə, fotoqraf paylaşımda qeyd edib:

“1992-ci ilin aprelində şəhər erməni qüvvələri tərəfindən mühasirəyə alındı, mən orada olan son fotomüxbir oldum, ayrılmaq üçün ensiz dağ yolundan keçməli idim. Azərbaycanda əsasən könüllülər var idi və o vaxt nizami ordu çox deyildi. Mayın 8-də şəhər erməni qüvvələrinin əlinə keçdi və bir çox insan öldürüldü və qalan əhali tələsik qaçmağa məcbur oldu. Bütün Qarabağdakı erməni hücumları nəticəsində bir milyondan çox azərbaycanlı qaçqın və məcburi köçkün oldu. 30.000 nəfər öldü və daha çox insan yaralandı. 28 ildən sonra, 2020-ci ildə ikinci Qarabağ müharibəsi zamanı geri qayıtdım. Dağda ayaqyalın qaçmaq məcburiyyətində qalan insanların övladları, indi başqa bir paltarda qayıtdılar və tək istəkləri ilə böyüdülər, valideynlərinə qayıtmaq. Şuşa döyüşü gələcəkdə bütün hərbi akademiyalarda öyrədiləcəkdir”.