“Ölkədə vaksinasiya: vaksin vurdurmağın üstünlükləri” – “Çıxışa doğru”da MÜZAKİRƏ
Koronavirusun yayılması, insanların infeksiyaya yoluxması hələ də bütün dünyada davam edir. Hətta artıq bir çox ölkələrdə mutasiya olunmuş virus da yayılmağa başlayıb.
Mütəxəssislər hesab edirlər ki, koronavirusun yeni ştammlarının fəsadları daha ağır ola bilər. Önümüzdəki həftələrdə mutasiya olunmuş virusun qarşısını almasaq, yoluxmaların sayı daha da arta bilər.
Ona görə də xəstəlikdən qorunmaq üçün qadağalara ciddi yanaşmaq çox önəmlidir. Ümumiyyətlə, xəstəliyin qarşısını almaq üçün iki yol var. Birincisi, qadağalar, digəri isə peyvənddir. Təəssüf ki, peyvənd olunanların sayı hələ ki, çox aşağıdır. Bunu artırmağın yolunu tapmalı, daha çox təbliğat işləri aparılmalıdır.
1News-un məlumatına görə, AzTV-nin “Çıxışa doğru” verilişində “Yol hərəkət iştirakçılarının təhlükəsizliyi: sürücü və sərnişin mədəniyyəti” mövzusunda aparılan müzakirələr zamanı bu barədə ətraflı danışılıb. Verilişin qonaqları – Səhiyyə Nazirliyi İctimai Səhiyyə və İslahatlar Mərkəzinin həkim mütəxəssisi Könül İsmayılova, invaziv kardioloq Nemət Bəşirov, "Sosial-İqtisadi və Kənd Təsərrüfatının İnkişafına Dəstək" İB-nin sədri Zülfiyyə Nuriyeva və sosioloq Elvin Muradov mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz: