1news.az

Azərbaycanı Madriddə təmsil edəcək gənc futbolçular “Zirə” komandası ilə görüşüb – FOTO

13 May saat 10:11 ~ 2 dəqiqəlik oxu 400
Azərbaycanı Madriddə təmsil edəcək gənc futbolçular “Zirə” komandası ilə görüşüb – FOTO

“Zirə” ilə oyundan öncə “Dostluq üçün futbol” layihəsiylə bağlı Madridə yollanacaq “Sabah” futbol klubunun üzvləri futbolçularla görüşüblər.

1news.az-ın verdiyi xəbərə görə, sosial layihədə ölkəmizi təmsil edəcək azyaşlılar futbolçularımızın qoluna turnirin simvolu olan mavi-yaşıl rəngli qolbağı bağlayıblar.

Qeyd edək ki, “Sabah” futbol klubu (FK) bu il 7-ci dəfə təşkil olunacaq “Dostluq üçün futbol” (Football for Friendship) sosial layihəsinin iştirakçısı olacaq. Mayın 28-dən iyunun 2-dək İspaniyanın paytaxtı Madriddə baş tutacaq idman turnirində klubun üzvləri də iştirak edəcək.

Turnir 2013-cü ildən təşkil edilir. Yarışda bir çox ölkədən gəlmiş 12 yaşadək uşaqlar müxtəlif komandalara bölünürlər. Komandalar qrup və pley-off oyunlarından sonra qalibi müəyyənləşdirirlər. Yarışın builki iştirakçıları Çempionlar Liqasının 2018/19 mövsümünün “Vanda Metropolitano” stadionunda baş tutacaq final görüşünə canlı baxmaq imkanı qazanacaqlar. Azərbaycanı Madriddə “Sabah”ın U-12 komandasının futbolçuları Ayxan Əlizadə, Babamirzə Mehdiyev və və baş məşqçisi Samir Əbdürəhmanovla təmsil olunacaq. Bundan əlavə, ölkəmizdən bu yarışa futbolçu Fatimə Məhərrəmli və gənc jurnalist Timur Jeltenkov da qatılacaq.

Qeyd edək ki, “Dostluq üçün futbol” beynəlxalq uşaq sosial proqramı 2013-cü ildən keçirilir. Layihə dünyanın müxtəlif millətləri, müxtəlif yaşlarında və müxtəlif fiziki imkanlarında olan gəncləri birləşdirir. Layihənin məqsədi – uşaq futbolunu inkişaf etdirərək uşaqlarda digər xalqlar və mədəniyyətlərə etiram və tolerantlığı tərbiyə etməkdir. İştirakçıların dəstəkləyib irəliyə apardığı əsas dəyərlər – dostluq, bərabərlik, ədalət, sağlamlıq, sülh, sədaqət, qələbə, ənənələr və şərəfdir.

“Sabah” FK “Dostluq üçün futbol” sosial layihəsinin iştirakçısı olacaq

Azərbaycanı Madriddə təmsil edəcək futbolçuların adları açıqlanıb

Azərbaycanlı uşaqlar “Dostluq üçün futbol” beynəlxalq sosial proqramında təmsil olunacaq

MFL “Dostluq üçün futbol” layihəsində ustad dərsləri keçəcək – FOTO

“Dostluq üçün futbol” turnirində azərbaycanlı nümayəndə qapıçı kimi çıxış edəcək – FOTO – VİDEO

Azərbaycanlı məşhur modelyer “Dostluq üçün futbol” layihəsini dəstəklədi – FOTO

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Azərbaycan futbolu BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net