Caspian Energy International Media Group XII Eurasian Forum Kazenergy-nin baş informasiya tərəfdaşı olub
“Caspian Energy International Media Group 2019-cu il sentyabrın 23-dən 29-dək Nur-Sultanda keçiriləcək KAZAKHSTAN ENERGY WEEK və KAZENERGY ХII Avrasiya Forumun baş informasiya tərəfdaşı olub”, - deyə Caspian Energy International Media Group məlumat paylaşıb.
1news.az-ın verdiyi xəbərə görə, energetika həftəsi çərçivəsində Mərkəzi Asiyanın (GBC) neft emalı və neft-kimya üzrə konfransı, Mühəndis Neftçilər Cəmiyyətinin (CPE) forumu, KAZENERGY Gənclər Forumu (SEC) çərçivəsində müsabiqə, Qadın Energetika Klubunun forumu və digər tədbirlər keçiriləcək. KAZAKHSTAN ENERGY WEEK-in əsas hadisəsi KAZENERGY XII Avrasiya Forumu olacaq.
Forumda “Arktika qütb dairəsi” beynəlxalq forumunun sədri, İslandiyanın sabiq prezidenti Oulavür Raqnar Qrimsson, Liviyanın Milli Neft Korporasiyasının Sədri Mustafa Sanalla, “Global Gas”ın icraçı direktoru Valeri Dükro, Benəlxalq Energetika Xartiyasının baş katibi Urban Rusnak, Əlcəzairin energetika naziri Mohamed Arkab, Qazaxıstan Respublikasının energetika naziri Kanat Bozumbayev, OPEK-in baş katibi Muhəmməd Burkindo və digərləri çıxış edəcəklər.
Sözügedən tədbir Xəzər və Mərkəzi Asiya regionlarında energetika sektorunun əlamətdar hadisələrindən biridir. Hər il bu forumda dünyanın 50-dən artıq ölkəsini təmsil edən 300-dən yuxarı şirkətinin 2,5 mindən artıq nümayəndəsi iştirak edir.
Eyni zamanda tədbirdə Milli Energetika Məruzəsi-2019-un yenilənmiş versiyasının təqdimatı baş tutacaq. Həmçinin Qazaxıstan neftinin 120 illiyinə həsr olunmuş kompleks tədbirlər təşkil ediləcək.
Beynəlxalq Caspian Energy jurnalı dünyanın 50 ölkəsində yayılır. 20 il ərzində jurnalda dünyanın müxtəlif ölkələrinin prezident və baş nazirlərinin, həmçinin nüfuzlu beynəlxalq təşkilatların və nəhəng transmilli şirkətlərin rəhbərlərinin müsahibələri, aparıcı ekspertlərin icmal və analitik materialları dərc olunur. Müxtəlif qiymətləndirmələrə görə, “Caspian Energy” jurnalı Xəzər-Qara dəniz və Baltik regionlarının aparıcı nəşrləri beşliyinə daxil olub, həmin regionlarda fəaliyyətin müəyyən edilməsində əksər sərmayəçilər üçün istiqamətləndirici rol oynayır.
Əlavə məlumat üçün:
E-mail: [email protected]
URL: www.caspianenergy.net;
1news.az
