1news.az

David Luiz: “Azərbaycan çox gözəl ölkədir”

23 May saat 17:23 ~ 1 dəqiqəlik oxu 185
David Luiz: “Azərbaycan çox gözəl ölkədir”

Turnirə başladığımız ilk gündən Bakıda olmaq üçün mübarizə apardıq. Artıq bu hədəfimizə çatmışıq. Məqsədimiz ordan kubokla dönməkdi.

1news.az Matc.az-a istinadən xəbər verir ki, bunu "Çelsi"nin müdafiəçisi David Luiz deyib.

Braziliyalı futbolçu Britaniya mətbuatına açıqlamasında Avropa Liqasının "Arsenal"la keçiriləcək final görüşünü dəyərləndirib.

Luiz "Arsenal"ın erməni futbolçusu Henrik Mxitaryanı Bakıya gətirməmək qərarına da münasibət bildirib: "Bakı finalı ilə bağlı çox rahatam. Komandam orda oynamaq və qalib gəlmək gücündədi. O ki qaldı "Arsenal"ın siyasi məsələyə görə probleminə, "Qarabağ"a qarşı oynadığımız zaman Bakını gəzmək imkanımız oldu. Çox gözəl ölkədi. "Qarabağ"a qarşı çıxış etmək bizim üçün xoş idi. Ancaq qərarlara da hörmətlə yanaşmaq lazımdı".

Ulduz futbolçu zədə ucbatından həlledici qarşılaşmanı buraxacaq komanda yoldaşları Ruben Loftus-Çek, Kallum Hadson-Odoi və Antonio Rüdigerə görə məyus olduğunu da söyləyib: "Kallum və Ruben üçün çox üzülürəm. Çünki onlar karyeralarının ən yaxşı anında zədələndilər. Rüdigerə də pis oluram. Onun finalda oynamağı nə qədər çox istədiyini bilirəm. Hər üç oyunçumuzun tezliklə sağalıb kollektivə dönməsini arzulayıram. Finalda həm də onlar üçün mübarizə aparacağıq".

Qeyd edək ki, Avropa Liqasının final oyunu mayın 29-da Bakı Olimpiya Stadionunda keçiriləcək.

1news.az

OXUCULARIN SEÇİMİ
REDAKSİYANIN SEÇİMİ
Futbol BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net