1news.az

Ermənilər Dağlıq Qarabağa muzdlu döyüşçülər cəlb edir – VİDEOFAKT

30 Sentyabr saat 22:46 ~ 2 dəqiqəlik oxu 32950
Ermənilər Dağlıq Qarabağa muzdlu döyüşçülər cəlb edir – VİDEOFAKT

Politoloq Fərhad Məmmədov Facebook profilində erməni Telegram-kanallarından birinin Ermənistan ordusunun yeni formasında Yaxın Şərqdən olan döyüşçünün çağırışını əvvəlcə dərc etdiyini və sonra dərhal sildiyi barədə məlumat yayımlayıb.

Lakin F.Məmmədov bu statusun ekran görüntüsünü çəkməyi bacarıb və statusun altında belə yazılıb: “Livandan olan millətçi ASALA qrupundan könüllü əsgər kömək üçün Yerevana erməni diasporunun nümayəndələrinin göndərildiyini söyləyir”.

 

Videoda (orijinal mənbədən dərhal silinmiş) terrorçu Qarabağda döyüşdüyünü iddia edir” – deyə F.Məmmədov yazır.

F.Məmmədovun 1news.az-a verdiyi şərhdə qeyd etdiyi kimi, erməni Telegram-kanalının bu nəşri PKK terrorçularının, Suriya və Livandan olan erməni qruplaşmaların Qarabağa köçürülmələrini bir daha sübut edir:

“Ermənilər Qarabağa bir neçə terror qruplaşması cəlb edirlər. PKK, Suriya müharibəsi zamanı yaradılan Suriyanın erməni silahlı birləşmələri və Livandan gələn ermənilər.

Suriyadakı cihadçı hərəkatı da bura çəkərdim, çünki İŞİD bütün ölkələrdən öz ardıcıllarını “boz zonaya” cəlb etdi. Eyni şəkildə, ermənilər indi bütün erməni terrorçularını və PKK-nı Dağlıq Qarabağa (bu da "boz zona"dır) toplayırlar”.

Fotoda: politoloq Fərhad Məmmədov

Erməni Telegram kanalının əvvəlcə bu yazını paylaşmasının, sonra dərhal “pozmasının” səbəblərinə gəldikdə, məntiq sadədir: bir tərəfdən bir növ müraciət edərək diasporun ruhunu yüksəltmək istəyirlər, digər tərəfdən öz muzdlularını ələ vermək istəmirlər. Bundan əvvəl Rusiya Erməniləri Birliyinin lideri Ara Abramyan Rusiyadan olan on minlərlə etnik erməninin Dağlıq Qarabağdakı döyüşlərdə könüllü iştirak etməyə hazır olduqlarını bildirmişdi. Oxşar bəyanatlar Samtsxe-Cavahetidən (Gürcüstan) də gəlmişdi”.

Elə bu axşam Rusiya Xarici İşlər Nazirliyinin saytında Rusiya Xarici İşlər Nazirliyinin Məlumat və Mətbuat Departamentinin xarici muzdluların Dağlıq Qarabağ münaqişəsi zonasına köçürülməsinə dair şərhi dərc edildi.

Rusiya Xarici İşlər Nazirliyinin məlumatında “döyüşlərdə birbaşa iştirak etmək üçün qanunsuz silahlı birləşmələrin, xüsusən də Suriyadan, Liviyadan olan silahlıların Dağlıq Qarabağ münaqişəsi zonasına köçürüldüyü” qeyd olunur.

“Münaqişə zonasında gərginliyin daha da artmasına gətirib çıxaracaq, eyni zamanda bölgədəki bütün ölkələrin təhlükəsizliyinə uzunmüddətli təhdidlər yaradacaq bu proseslər bizi çox narahat edir.

Müvafiq dövlətlərin rəhbərliyini xarici terrorçuların və muzdluların münaqişədə istifadə edilməməsinin və onların bölgədən dərhal çəkilməsinin qarşısını almaq üçün təsirli tədbirlər görməyə çağırırıq” – deyə Rusiya Xarici İşlər Nazirliyi qeyd edir.

Xatırladaq ki, Azərbaycan tərəfi dəfələrlə Ermənistanın Azərbaycana qarşı döyüşlərdə iştirak etmək üçün Yaxın Şərqdən silahlıları cəlb etdiyini bildirmişdi. Gördüyünüz kimi, bu nəşrlər öz təsdiqini tapdı.

Tərcümə: S.Xankişiyeva

 

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net