Fransa XİN Ermənistan Azərbaycanla sərhəddə törətdiyi təxribatla bağlı bəyanat yayıb
Fransanın Avropa və Xarici İşlər Nazirliyi Ermənistan Azərbaycanla sərhəddə törətdiyi təxribatla bağlı bəyanat yayıb.
1news.az-ın Report-a istinadla verdiyi xəbərə görə, bəyanatda Dağlıq Qarabağ münaqişəsinin beynəlxalq hüquqa müvafiq surətdə həll ediləcəyinə əminlik ifadə olunur və bu məsələdə ATƏT-in Minsk Qrupu üzvlərinin öhdəlikləri bir daha xatırlanır.
"Fransa Ermənistanla Azərbaycan sərhədində bazar günü başlayan və bir neçə insanın ölümünə səbəb olan silahlı qarşıdurmanı pisləyir. O, hər iki tərəfi atəşkəs rejiminə hörmət etməyə və vəziyyətin daha da pisləşməməsi üçün dialoqu davam etdirməyə çağırır. Minsk qrupunun həmsədri olaraq Fransa, rus və amerikalı tərəfdaşları ilə birlikdə beynəlxalq hüquqa uyğun olaraq, Dağlıq Qarabağ münaqişəsinin danışıqlar yolu ilə və davamlı şəkildə həlli üçün öz öhdəliklərini həyata keçirəcək", - bəyanatda qeyd olunur.
S.Xankişiyeva