Han: Avropa İttifaqı-Azərbaycan əməkdaşlığı intensivləşib
Son bir neçə il ərzində Avropa İttifaqı ilə Azərbaycan arasında əməkdaşlıq intensivləşib.
1news.az xəbər verir ki, bu barədə Avropa İttifaqınınqonşuluq siyasəti və genişlənmə məsələləri üzrə komissarı Yohannes Han deyib.
O bldirib: “Biz tərəfdaşlıq prioritetlərini qəbul etmişik, nəqliyyat və təhlükəsizlik üzrə yüksək səviyyəli dialoqlara başlamışıq və Avropa İttifaqı-Azərbaycan arasında yeni saziş üzrə danışıqların son mərhələsindəyik. Şərq Tərəfdaşlığı çərçivəsində regional əməkdaşlığı inkişaf etdirmək və vətəndaşlar üçün əhəmiyyətli nəticələrə gətirmək üçün çox işlər görülüb.
Bakıya səfərim zamanı əlaqələr və iqtisadiyyat, vətəndaş cəmiyyətinə dəstək, gənclər və insan haqlarının inkişafı məsələləri müzakirə edəcəyik ki, bu, əlaqələrimiz üçün vacibdir”.
Qeyd edək ki, komissar Han bu gün Bakıya gəlir, sabah isə o, Azərbaycan-Avropa İttifaqı biznes forumunda iştirak edəcək.
Avrokomissar Prezident İlham Əliyev, xarici işlər naziri Elmar Məmmədyarov və iqtisadiyyat naziri Şahin Mustafayevlə görüşəcək, həmçinin vətəndaş cəmiyyəti və gənclər təşkilatlarının nümayəndələri ilə görüşəcək.
Aİ tərəfindən maliyyələşdirilən UNICEF-n həyata keçirdiyi "Həssas uşaqların vətəndaş cəmiyyəti birlikləri” layihəsini açılışında iştirak edəcək.
P.S.
