1news.az

İosif Stalinin ermənilərə saxta vətən yaradan 1947-ci il qərarı

21 Oktyabr saat 16:24 ~ 1 dəqiqəlik oxu 1330
İosif Stalinin ermənilərə saxta vətən yaradan 1947-ci il qərarı

SSRİ Nazirlər Sovetinin sədri və Sov.İKP Mərkəzi Komitəsinin katibi İosif Stalinin imzaladığı qərardan sonra minlərlə soydaşımız öz dədə-baba yurdları olan indiki Ermənistan ərazisindən Azərbaycan SSRİ-nin Kür-Araz ovalığına köçürülüb.

Sfera.az 1947-ci ildə imzalanmış həmin qərarı olduğu kimi dərc etməklə tarixi həqiqətlərin təkrarən yada salınmasını vacib hesab edir. Beləliklə, sözügedən qərarla tanış olaq.

Qərar nömrə 4083

23 dekabr 1947-ci il. Moskva, Kreml.

Kolxozçuların və digər azərbaycanlı əhalinin Ermənistan SSR-dən Azərbaycan SSR-in Kür-Araz ovalığına köçürülməsi haqqında

SSRİ Nazirlər Soveti qərara alır:

1. 1948-50-ci illərdə Ermənistan SSR-dən Azərbaycan SSR-in Kür-Araz ovalığına könüllülük əsasında 100 min kolxozçu və digər azərbaycanlı əhali, onlardan: 10 min nəfər 1948-ci ildə, 40 min nəfər 1949-cu ildə və 50 min nəfər 1950-ci ildə köçürülsün.

2. Ermənistan SSR Nazirlər Sovetinə, azərbaycanlı əhalinin Azərbaycan SSR-in Kür-Araz ovalığına köçürülməsi ilə əlaqədar olaraq, onların azad olunmuş tikililərindən və yaşayış evlərindən Ermənistan SSR-yə gələn xarici ölkələrin ermənilərinin yerləşdirilməsi üçün istifadə etməsinə icazə verilsin.

SSRİ Nazirlər Sovetinin sədri İosif Stalin.

SSRİ Nazirlər Sovetinin İşlər müdiri Yakov Çadayev.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net