İranda koronavirusa yoluxanların sayı 35 mini ötür
İranda daha 123 nəfər koronavirusun qurbanı olub.
1news.az-ın İran mətbuata istinadla verdiyi xəbərə görə, İran Səhiyyə Nazirliyi ölkədə infeksiyadan ölənlərin sayının 2 640 nəfər olduğunu açıqlayıb.
O bildirib ki, daha 2 901 nəfərdə koronavirus aşkarlanıb və bununla da virus daşıyıcılarının sayı 38 309 nəfərə çatıb. Həmçinin 12 391 nəfərin koronavirusdan sağalaraq xəstəxanalardan buraxılıb
Martın 29-na olan məlumata əsasən, yeni koronavirusa (COVID-19) yoluxanlar 665 616 nəfər təşkil edir, onlardan 30 857 nəfəri vəfat edib, 141 746 isə sağalıb.
Bu günə olan məlumata əsasən, daha çox infeksiyaya yoluxma ABŞ-da – 124 686 nəfərdə qeydə alınıb. Onlardan 2 192 nəfəri ölümlə nəticələnib, 2 612 nəfər isə sağalıb.
Bunlar yeni virusun yayılması ilə əlaqədar yanvar ayının sonlarında yaradılan onlayn xəritənin məlumatlarıdır. Real rejimdə onlayn xəritə vasitəsilə bütün dünyada epidemiyanın yayılmasına nəzarət etmək olar.
ÜST: Koronavirusa yoluxanların sayı durmadan artır – 700 minə yaxınlaşır – XƏRİTƏ
S.Xankişiyeva
