1news.az

İsveçdə plastik stəkanları və konteynerləri qadağan etmək istəyirlər

10 İyul saat 14:40 ~ 1 dəqiqəlik oxu 96
İsveçdə plastik stəkanları və konteynerləri qadağan etmək istəyirlər

İsveçdə qida məhsulları üçün plastik stəkanların və konteynerlərin satışını qadağan etmək istəyirlər.

1news.az-ın AZƏRTAC-a istinadən verdiyi xəbərə görə, Krallığın Ətraf Mühit naziri İzabella Lövin bildirib ki, İsveç hökuməti qida məhsulları üçün plastik stəkanların və konteynerlərin qadağan edilməsi haqqında məsələni nəzərdən keçirmək istəyir. Onun sözlərinə görə, bu, Aİ-nin birdəfəlik plastik qablar barədə direktivinə münasibətdə irəliyə doğru atılmış daha bir addımdır.

Qadağaya dair layihə hakim Sosial-Demokrat Partiyası və Yaşıllar Partiyası tərəfindən işlənib hazırlanır və artıq Mərkəz Partiyası və Liberal Partiya ilə razılaşma əldə olunub. Hazırda qadağanın iqtisadiyyata təsiri mövzusunda hökumət araşdırması aparılır.

Avropa Parlamenti ötən ilin sonunda çubuq, çəngəl-bıçaq, boşqab kimi plastik məmulatın 2021-ci ilə qədər qadağan edilməsinə səs verib. Lakin İsveç daha irəli getmək və ətraf mühitə ziyan vuran başqa plastik məhsulların, o cümlədən stəkanların və konteynerlərin istifadəsini məhdudlaşdırmaq istəyir.

İzabella Lövin deyib: "Biz hamımız başa düşürük ki, təbii şəraitdə yüzlərlə il qalıb çürüməyən materialın cəmi bir dəfə istifadə olunub tullanması qəbuledilməz haldır. Biz yeni dayanıqlı sistem tapmalıyıq". Onun sözlərinə görə, plastik məmulat kağız kimi alternativ materialla əvəzlənə bilər.

1news.az

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net