1news.az

Keçən il Azərbaycanda hasil olunan neftin həcmi açıqlanıb

17 Yanvar saat 15:32 ~ 1 dəqiqəlik oxu 253
Keçən il Azərbaycanda hasil olunan neftin həcmi açıqlanıb

Ötən il Azərbaycanda 38,8 milyon tondan çox neft hasil edilib.

1news.az-ın AZƏRTAC-a istinadən verdiyi xəbərə görə, bu barədə “Azərbaycan Respublikasının Energetika Nazirliyi tərəfindən 2018-ci ildə görülmüş işlərə dair” hesabatda deyilir.

Bildirilir ki, keçən il respublikada proqnozdan 849 min 900 ton çox olmaqla 38 milyon 802 min ton neft hasil edilib. Hasil olunan neftin 28 milyon 722 min tonu “Azəri-Çıraq-Günəşli”nin, 2 milyon 540 min tonu “Şahdəniz”in (kondensat), 7 milyon 540 min tonu isə SOCAR-ın payına düşüb.

İl ərzində 32 milyon 666 min 400 ton neft ixrac edilib ki, bunun da 31 milyon 247 min 900 tonu konsorsiumun, 1 milyon 418 min 500 tonu SOCAR-ın payına düşüb. Xam neftin emalı 6 milyon 95 min ton olub ki, bu da proqnozdan 184 min ton çoxdur.

OPEC+ çərçivəsində Azərbaycan gündəlik neft hasilatını 35 min barrel azaldaraq hasilat həcmini 834 min barrel səviyyəsində saxlamaqla bağlı öhdəlik götürüb. Hesabat ili ərzində orta gündəlik neft hasilatı təxminən 792,5 min barrel olub.

1news.az

OXUCULARIN SEÇİMİ
REDAKSİYANIN SEÇİMİ
Neft və qaz BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net