1news.az

Marukyan: Paşinyan Sarkisyanın "kostyumu"ndan imtina etməyib

17 Aprel saat 12:19 ~ 1 dəqiqəlik oxu 354
Marukyan: Paşinyan Sarkisyanın

Ermənistanın yeni hakimiyyəti əslində keçmiş baş nazir Serj Sarkisyanın formalaşdırdığı hökumət strukturunu saxlayır.

1news.az erməni mətbuatına istinadla xəbər verir ki, bu barədə parlamentdə çıxışı zamanı "Parlaq Ermənistan" partiyasının rəhbəri Edmon Marukyan bildirib.

"Məlumdur ki, dövlət idarəçiliyinin bu strukturu Serj Sarkisyanın "kostyumu” adını alıb və  super-baş nazirlik sistemidir. İndi bu kostyumdan bir neçə düyməni çıxarmağı təklif etdiyiniz bir layihə gətirmisiniz. Və deyirsiniz ki, indi “kostyum oturur?", – deyə Marukyan əlavə edib.

Marukyan daha sonra hökumətin nə etdiyini göstərmək üçün pencəyini əynindən çıxarıb.

Baş nazir Nikol Paşinyan mövzu ilə bağlı xatırladıb ki, Milli Təhlükəsizlik Xidməti və polis nazirlik olmalıdır, lakin onun göstərişi yerinə yetirilməyib. Bu strukturları hökumətə daxil etmək təklifi rədd edilib.

Marukyan isə deyib ki, təqdim edilən bu sistem Serj Sarkisyanın sistemidir:

“İki düyməni sildiniz, lakin baş nazir Milli Təhlükəsizlik Xidmətinin, Dövlət Gəlirləri Komitəsinin rəhbəri olaraq qalır. Bu strukturlar üçün məsuliyyət daşıyacaq əlaqələndirici yoxdur ".

Qeyd edək ki, "Parlaq Ermənistan" hökumət strukturunda dəyişiklikləri nəzərdə tutan layihəsini təklif edib.

Layihəyə görə, optimallaşdırmadan sonra hökumət baş nazirdən, 2 vitse-baş nazir və 12 nazirdən ibarət olacaq.

P.Sultanova

OXUCULARIN SEÇİMİ
REDAKSİYANIN SEÇİMİ
Ermənistan BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net