Məzahir Pənahov: Aksiyaya baxdım, sevindim, ləzzət aldım
Bizim MSK-nın qarşısında olan aksiya Azərbaycanda ictimai-siyasi vəziyyətin ən sivil qaydada olduğunu göstərdi.
Qafqazinfo xəbər verir ki, bunu Mərkəzi Seçki Komissiyasının dünən keçirilən iclasında Məzahir Pənahov deyib.
MSK sədri əlavə edib ki, sözügedən aksiyanı xarici telekanallar da yayımlayıb: "Aksiya başlayan kimi bütün xarici kanallar verdi. Mən də hamısında baxdım, sevindim, ləzzət aldım".
Qeyd edək ki, fevralın 13-də Mərkəzi Seçki Komissiyasının (MSK) iclasında Milli Məclisə seçkilərlə əlaqədar ümumilikdə 4 dairədə keçirilmiş seçkinin nəticələri ləğv edilib.
Nəticələri ləğv edilmiş dairələr aşağıdakılardır:
- 80 saylı İmişli-Beyləqan seçki dairəsi - lider namizəd Çingiz Qənizadə
- 74 saylı Lənkəran kənd seçki dairəsi - lider namizəd Hadı Rəcəbli
- 35 saylı Xətai üçüncü seçki dairəsi - lider namizəd Rauf Arifoğlu
- 33 saylı Xətai birinci seçki dairəsi - lider namizəd Hüseynbala Mirələmov.
Bundan əlavə, 91 saylı Ucar, 125 saylı Zəngilan-Qubadlı və 60 saylı Salyan-Neftçala, 50 saylı Abşeron-Qobustan, 72 saylı Yardımlı-Masallı, 95 saylı Tərtər, 42 saylı Sumqayıt ikinci, 14 saylı Xəzər, 15 saylı Yasamal birinci, 10 saylı Binəqədi üçüncü, 28 saylı Sabunçu üçüncü, 79 saylı İmişli, 45 saylı Abşeron, 109 saylı Balakən, 67 saylı Cəlilabad seçki dairələri üzrə müraciətlərə baxılıb.
Müzakirələrdən sonra müraciətlərin Dairə Seçki Komissiyalarına göndərilməsinə qərar verilib.
MSK 74 saylı Lənkəran kənd seçki dairəsinin nəticələrini ləğv edib – YENİLƏNİB
S.Xankişiyeva
