1news.az

Mübariz Əhmədoğlu: Nikol Paşinyanın Serj Sarkisyanın şagirdi olduğu bəlləndi

17 May saat 10:11 ~ 2 dəqiqəlik oxu 166
Mübariz Əhmədoğlu: Nikol Paşinyanın Serj Sarkisyanın şagirdi olduğu bəlləndi

Şuşanın işğalının növbəti ildönümündə Serj Sarkisyan və  Nikol Paşinyan eyni vaxtda Dağlıq Qarabağda oldular. Yerevanda onların arasında mütəmadi əlaqələri istisna etmirik.

N.Paşinyanın əlində olan ATƏT-in Minsk Qrupunun tərtib etdiyi tənzimlənmə variantı ermənilərin maraqlarının tam əksinə olan bir variantdır. N.Paşinyanın yalnız ümummilli məsələlərə görə ortada olan tənzimlənmə variantını açıqlamadığını bildirdi.

Ermənistanın Dağlıq Qarabağ məsələsində iflasa uğraması və Ermənistanın iflasa uğramasının məsuliyyətinin N.Paşinyanın boynuna düşməməsi üçün N.Paşinyan eks-prezident S.Sarkisyanla əməkdaşlıq edir. Onun Dağlıq Qarabağda S.Sarkisyanla bir yerdə olduqdan sonra verdiyi bəyanatlarda ən azı 2 məsələ kifayət qədər diqqəti çəkir. Bunlardan biri “Dağlıq Qarabağ xalqı” terminini istifadə etməsidir. Digəri isə danışıqların yeni dövriyyəsinin başlanmasıdır. Hər iki məsələ vaxtı uzatmağa yönəlib.

S.Sarkisyan N.Paşinyanı başa salıb ki, yalnız “möcüzə” Ermənistanı xilas edə bilər. “Möcüzəni gözləmək” üçün isə müəyyən vaxt lazımdır. Amma bu vaxtın  çərçivəsi bəlli deyil. N.Paşinyan eynilə S.Sarkisyanın getdiyi yolu təkrarlamaq məcburiyyətindədir.

Yeni danışıqlar dövriyyəsinə heç kəs Paşinyana imkan verməyəcək. N.Paşinyan yeni olduğu üçün beynəlxalq aləm ona müəyyən vaxt limiti ayırıb. N.Paşinyan beynəlxalq ictimaiyyətin ona ayırdığı vaxt limitindən uğurla istifadə etməyə çalışmalıdır. S.Sarkisyanın dediyi vaxt N.Paşinyanın özünü də, rəhbərlik etdiyi Ermənistanı da iflasa aparır. İkincisi, “Dağlıq Qarabağ” adlı xalq yoxdur, S.Sarkisyan bunu sübut edə bilmədi.

Paşiyan Sarkisyan deyil. Həm zaman tam fərqlidir.Ermənistan əvvəlki Ermənistan deyil. S.Sarkisyan N.Paşinyanın iflasına ancaq sevinəcək.

 “Dağlıq Qarabağ xalqı”,  ““Artsax” (Dağlıq Qarabağ) xalqı”, “Dağlıq Qarabağ erməniləri” etnonimləri  mövcud deyil.  Paşinyanın əlində olan sənədlərdə “Dağlıq Qarabağ əhalisi” termini istifadə olunur, Dağlıq Qarabağın taleyini də yalnız Dağlıq Qarabağın əhalisi müəyyən edəcəkdir. Ona görə N.Paşinyan indi Dağlıq Qarabağ ermənilərinin ayrıca bir xalq olduğunu sübut etmək üçün yalnız Don Kixotluqla məşğul olmalıdır.

Dağlıq Qarabağ ermənilərinin Ermənistan ermənilərindən fərqli millət olduğu özü kifayət qədər riskli anlayışdır. Bu ifadəni Qarabağ klanın təmsilçiləri işlədə bilərlər, amma Yerevan təmsilçisinin işlətməsi gələcəkdə çox ciddi nəticələrə gətirib çıxara bilər. Məhz Paşinyana diasporla Ermənistan, eləcə də Dağlıq Qarabağ erməniləri ilə Ermənistan erməniləri arasında  nifaq salmaqda əlavə ittihamlar irəli sürülə bilər.

Dağlıq Qarabağ problemini həll etməzsə, Paşinyan və Ermənistan məhv olacaq.

Dağlıq Qarabağ probleminin yaxında həlli Ermənistanı xilas edəcək. Amma Paşinyan üçün risk yaradacaq. Paşinyan bu riski minimallaşdıra bilər.

Mübariz Əhmədoğlu,

Siyasi İnnovasiya və Texnologiyalar Mərkəzinin sədri, politoloq

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net