1news.az

Oleq Kuznetsov Tarix İnstitutunun fəxri doktoru oldu

23 May saat 12:32 ~ 1 dəqiqəlik oxu 157
Oleq Kuznetsov Tarix İnstitutunun fəxri doktoru oldu

Azərbaycan Milli Elmlər Akademiyasının (AMEA) Tarix İnstitutunun Elmi Şurasının iclasında rusiyalı tarixçi və hüquqşünas Oleq Kuznetsova institutun fəxri doktoru diplomu təqdim olunub.

1news.az-a AMEA-dən verilən məlumata əsasən, Oleq Kuznetsov bu fəxri ada Azərbaycan və Rusiya arasında elmi əlaqələrin inkişafındakı mühüm xidmətlərinə görə layiq görülüb.

Tarix İnstitutunun direktoru, akademik Yaqub Mahmudov O.Kuznetsovu Rusiyanın görkəmli alimlərindən biri, həm də Azərbaycan tarixçilərinin dostu adlandırıb: “O, elmdə obyektivlik tərəfdarıdır. Ermənilərin Cənubi Qafqazda məskunlaşması Çar Rusiyasının köçürmə siyasəti ilə bağlıdır. Kuznetsovun ermənilərin buraya Rusiya imperatoru I Pyotrun manifesti ilə köçürülməsini etiraf etməsi böyük əhəmiyyətə malikdir”.

Elmi Şuranın iclasında Oleq Kuznetsov məruzə ilə çıxış edib.

O.Kuznetsov bildirib ki, erməni terrorçu-daşnak qüvvələri faşizmə xidmət ediblər: “Daşnak partiyasının liderlərindən olan Qaregin Njde Hitler Almaniyası ilə əməkdaşlıq edib. Ermənistanda Qaregin Njde qəhrəmanlaşdırılır. Nasizmin təbliği Ermənistanda dövlət siyasətinə çevrilib. Mən erməni terrorizmini nasizmə bərabər tuturam. Erməni terrorçuları türk xalqlarını, nasistlər isə yəhudiləri məhv ediblər”.

İclasda çıxış edən tarixçi alimlər onun Azərbaycan həqiqətlərinin yayılmasında mühüm rol oynadığını bildiriblər.

Elmi Şura institutun fəxri doktorları sırasında O.Kuznetsovun da portretinin yer tutması barədə qərar qəbul edib.

S.Xankişiyeva

 

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net