“Paşinyan aşağı düş, bizə həqiqəti de” - ermənilər hökumət binasına hücum çəkdilər

Ermənistanda universitetə qəbul olunmayan abituriyentlər və validenyləri hökumət binası önündə etiraz aksiyası keçirir.

1news.az-ın Publika.az-a istinadən verdiyi xəbərə görə, şikayətçilər dünən təhsil və elm nazirinin müavini Qrişa Tamrazyanla görüşdən razı qalmayıblar.

Etirazçılar tələb edirlər ki, Paşinyan aşağı düşsün və onların suallarına cavab versin.

"Bizə həqiqəti denən", "Oxumaq istəyirik", etirazçılar bu şüarları səsləndirir və bildirirlər ki, onlar imtahandan bal toplasalar da, universitetə qəbul olunmalarının qarşısı süni şəkildə alınıb. Hökumət bunun səbəblərini açıqlamalı və haqlarını bərpa etməlidir.

Aksiya iştirakçıları elm və təhsil naziri Arayik Harutyunyanın istefasını tələb edir. Tezliklə təhsil sisteminə etiraz edən gənclər hərəkatının da aksiyaya qoşulacağı gözlənilir.

1news.az