1news.az

Patrisiya Lalond: Azərbaycan tolerantlığı bütün ölkələr üçün ən yaxşı nümunədir

10 İyun saat 17:21 ~ 1 dəqiqəlik oxu 185
Patrisiya Lalond: Azərbaycan tolerantlığı bütün ölkələr üçün ən yaxşı nümunədir

Son illər Azərbaycan böyük nailiyyətlərə imza atıb. Ancaq Azərbaycanın bu uğurları bəzən qısqanclıqla qarşılanır. Lakin reallığı gizlətmək mümkün deyil. Əhalisinin əksəriyyətini müsəlmanların təşkil etdiyi, dünyəvi dövlət olan Azərbaycanda hələ 100 il əvvəl qadınlara səsvermə hüququ verilib.

1news.az xəbər verir ki, bu fikirləri Parisdə Milli Assambleyada Fransa-Azərbaycan parlamentlərarası dostluq qrupunun təşkilatçılığı ilə Azərbaycanda qadınlara səsvermə hüququ verilməsinin 100 illiyinə həsr olunmuş “Qadın hüquqları: Şərq və Qərbin qovuşuğunda Azərbaycan nümunəsi” adlı konfransın iştirakçısı, Avropa Parlamentinin keçmiş deputatı Patrisiya Lalond AZƏRTAC-a müsahibəsində söyləyib.

Azərbaycanda müxtəlif etnik, dini azlıqlara göstərilən tolerantlıq bütün ölkələrə nümunədir. Paytaxt Bakıda özünü Avropadakı kimi hiss edirsən. “Ölkənizdə səfərdə olmuşam. Bütün sahələrdə qadınların necə fəal olduqlarının şahidiyəm. Dağlıq Qarabağ münaqişəsi nəticəsində yaranan 1 milyondan çox qaçqın və məcburi köçkünün də böyük hissəsini qadınlar təşkil edir.

Azərbaycan dövləti qadınlara, xüsusilə də qaçqın qadınlara xüsusi diqqət ayırır. Ölkədə qadın məsələləri ilə bağlı xüsusi proqramlar icra edilib və hazırda da həyata keçirilir. Bir çox beynəlxalq təşkilatların qadın məsələləri ilə bağlı sənədləri ratifikasiya olunub. Hesab edirəm ki, Azərbaycanda qadın məsələləri ilə bağlı görülən işlər digər ölkələrə ən yaxşı nümunədir”, - deyə P. Lalond vurğulayıb.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net