1news.az

“Qarabağ” “Partizani”ni məğlub edərək növbəti mərhələyə vəsiqə qazanıb - VİDEO

18 İyul saat 09:50 ~ 1 dəqiqəlik oxu 173
“Qarabağ” “Partizani”ni məğlub edərək növbəti mərhələyə vəsiqə qazanıb - VİDEO

UEFA Çempionlar Liqasının 2019-2020-ci il mövsümünün birinci təsnifat mərhələsi çərçivəsində “Qarabağ” evdə Albaniyanın “Partizani” klubunu qəbul edib.

1news.az-ın məlumatına görə, Tiranadakı ilk qarşılaşmada qolsuz heç-heçə qeydə alındığı üçün cütün taleyi cavab qarşılaşmasında həll edilib.

“Dalğa Arena”da baş tutan görüşü moldovalı hakimlər briqadası idarə edib.

Qarşılaşma Ağdam təmsilçisinin 2:0 hesablı qələbəsi ilə başa çatıb. Görüşdə hər iki qol ikinci hissədə vurulub.

Matçın 51-ci dəqiqədə Filip Ozoviç, 93-cü dəqiqədə isə yeni meydana daxil olan Dani Kintana vurub. Bu iki qol “Qarabağ”ın avrokuboklarda vurduğu 100-cü qol olub. Beləliklə, ağdamlılar iki oyunun nəticəsinə əsasən növbəti mərhələyə vəsiqə qazanıb.

1news.az

OXUCULARIN SEÇİMİ
REDAKSİYANIN SEÇİMİ
Azərbaycan futbolu BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net