1news.az

UEFA: Şabhə yoxdur ki, Bakıda rekorda imza atılacaq

3 May saat 12:57 ~ 1 dəqiqəlik oxu 326
UEFA: Şabhə yoxdur ki, Bakıda rekorda imza atılacaq

UEFA-nın rəsmi saytı 2018/19-cu il futbol mövsümündə Bakıda keçiriləcək Avropa Liqasının finalında yeni rekorda imza atılacağından yazıb.

1news.az-ın məlumatına görə, saytda ilk dəfə olaraq Avropa kubokunun əsas turnirlərindən birinin taleyinə Bakıda aydınlıq gələcəyi qeyd olunub:

“Final oyunu Bakı Olimpiya Stadionunda keçiriləcək. 2015-ci ildə istifadəyə verilən bu arenada həm də AVRO-2020-nin final mərhələsinin üç qarşılaşması baş tutacaq. Stadion 70 min azarkeş tutumuna malikdir. Şübhə yoxdur ki, 1999-cu ildə finalda iştirakçı sayına görə Moskvada müəyyən olunmuş rekord yenilənəcək. Həmin vaxt “Parma” ilə “Latsio” komandaları arasında keçirilmiş oyunu 62 min azarkeş izləmişdi”.

Eyni zamanda UEFA xatırladıb ki, Bakı finalı Avropa Liqası turnirinin tarixində VAR sisteminin tətbiq olunacağı ilk final oyunu olacaq.

Avropa futbol qurumunun rəsmi saytı Bakıda keçiriləcək final matçının dəqiq başlama vaxtını da açıqlayıb. Qeyd olunub ki, Bakı finalı 29 may saat 21:00-da (Bakı vaxtı ilə 23:00-da), ilk dəfə Çempionlar Liqasının finalından cəmi dörd gün əvvəl keçiriləcək.

 1news.az

OXUCULARIN SEÇİMİ
REDAKSİYANIN SEÇİMİ
Futbol BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net