Zaur Məmmədov: “Paşinyan mənasız görünürdü”
Artıq məlumat verildiyi kimi, Azərbaycan Prezidenti İlham Əliyev Münhen Təhlükəsizlik Konfransı çərçivəsində Ermənistanın Baş naziri Nikol Paşinyanla Ermənistan-Azərbaycan Dağlıq Qarabağ münaqişəsini müzakirə edib.
Müzakirələrin gedişində Prezident İlham Əliyev növbəti dəfə ölkəmizin prinsipial mövqeyini nümayiş etdirib, beynəlxalq ictimaiyyəti münaqişənin reallıqları barədə məlumatlandırıb.
Azərbaycan Prezidenti yanında Dövlət İdarəçilik Akademiyasın müəllimi Zaur Məmmədov 1news.az saytına bildirib ki, dövlət başçıları arasında bu formatda müzakirələr ilk dəfə idi ki, aparılırdı. Onun sözlərinə görə, beynəlxalq ictimaiyyətin diqqətlə izlədiyi müzakirələrin gedişində N.Paşinyanın arqumentləri inandırıcı görünmürdü.
“Ermənistanın baş naziri Dağlıq Qarabağın münaqişə tərəfi olmalı olmasını bildirir, lakin özü də gözəl başa düşürdü ki, münaqişə tərəfləri Ermənistan və Azərbaycandır. Hazırda, işğal edilmiş ərazilərdə məhz erməni silahlı qüvvələri xidmət edir. Dağlıq Qarabağ adlanan beynəxalq subyekt yoxdur”, - politoloq bildirib.
Z.Məmmədov Stepanakert adının Stepan Şaumyanın adı ilə bağlı olması bu ərazinin qədim adının isə, Xankəndi olması ilə bağlı prezidentin debatda söylədiyi fikirlərdən sitat gətirib.
“Dövlət başçısı Dağlıq Qarabağın Azərbaycana verilmədiyi, Azərbaycanın tərkibində saxlanıldığı ilə bağlı faktı xüsusilə vurğuladı”, - o bildirib və qeyd edib ki, tarixçilər regionun tarixini çox gözəl bilirlər, lakin ermənilərin tarixi faktları saxtalaşdırmaqda davam etdikləri faktını nəzərə alaraq, onlardan başqa heç nə gözləməyə dəyməz.
Z.Məmmədov qeyd edib ki, erməni ekspertlər sosial şəbəkələrdə N.Paşinyanın İlham Əliyevlə debatdakı zəifliyini qeyd ediblər.
“Onun ingilis dili və tarixi bilikləri, özünü aparmaq tərzi daha çox şeyə ümid etməyə imkan verirdi. İlham Əliyev beynəlxalq proseslərdən başı çıxan təcrübəli diplomatdır. Paşinyan Əliyevin bir fikrinə belə tutarlı cavab verə bilmədi.
Ermənistanın baş naziri axmaq kimi görünürdü. Hiss olunurdu ki, o bu cür müzakirələrə hazır deyil”, - o bildirib.
Politoloq qeyd edib ki, ermənilər başa düşməlidirlər ki, söhbət təkcə, erməni xalqının öz müqəddəratını artıq təyin etdiyi halda Azərbaycan ərazisində niyə ikinci erməni dövlətinin yaradılması ilə bağlı hər hansı əsaslı fikir səsləndirə bilməyən N.Paşinyandan getmir.
“İstənilən Ermənistan rəhbəri eyni vəziyyətə düşür, çünki onların beynəlxalq ictimaiyyət və beynəlxalq hüquq qarşısına çıxarılası əsaslı arqumentlərii yoxdur”, - deyə o bildirib.
А.А., М.K.