Azərbaycan terrorizm təhlükəsinin olmamasına görə regionda liderdir

İqtisadiyyat və Sülh İnstitutunun (The Institute for Economics and Peace) hazırladığı “Qlobal terrorizm indeksi” adlı məruzədə Azərbaycan reytinqini üç pillə yüksəldərək 98-ci yerdə qərarlaşıb.

“Qlobal terrorizm indeksi” ölkədə “terrorizmin təsirini” əks etdirir və müxtəlif sosial-iqtisadi analizlər, eləcə də radikal cərəyanların meydana gəlməsi nəticəsində geosiyasi faktorlar əsasında təşkil edilir.

Qeyd edək ki, reytinqin birinci sıralarında terrorizm fəaliyyəti və terror təhlükəsi daha yüksək olan ölkələr dayanır, son sıralarda isə ən təhlükəsiz ölkələr yer alır. Azərbaycan 138 ölkə arasında 98-ci yerdə qərarlaşıb. Bu da ölkədə terorrizm təklükəsinin tamamilə olmamasını göstərir.

Bununlada Azərbaycan regionda liderlik əldə edib. Ermənistan 83-cü, Gürcüstan isə 89-cu yerdə sıralanıb.

Reytinqdə ilk “üçlüyə” İraq, Əfqanıstan və Nigeriya daxildir. Rusiya 34-cü, ABŞ 2-ci, Almaniya 39-cu, Fransa isə 30-cu yerdə sıralanıb.

Siyahıda Ukrayna 21-ci, Tacikistan 74-cü, Qazaxıstan 75-ci, Qırğızıstan 80-ci, Molodova 116-cı, Özbəkistan 132-ci, Türkmənistan və Belorus isə 138-ci yerdə qərarlaşıb.

Hesabatın müəllifləri qeyd edirlər ki, terrorçuların əlində öldürülən insanların sayı ardıcıl üçüncü ildir azalır. Əsas səbəblərdən biri kimi isə İŞİD terror qruplaşmasının İraq və Suriyada zəifləməyə davam etməsi göstərilir.

Belə ki, Suriyada terrorçular tərəfindən öldürülən insanların sayı 2016-cı (2,1 min nəfər) müqayisədə 2017-ci ildə demək olar, iki dəfə azalıb - 1,1 min nəfər. İraqda isə analaji müqayisə, təxminən, 9,8 min ölümdən təqribən 4,5 minə düşüb.

Hesabatda göstərilir ki, 2017-ci ildə qlobal terrorizm dünya iqtisadiyyatına 52 milyard dollara başa gəlib. Bu, bir il əvvəlki göstəricidən 42% azdır. Dünyanın 67 ölkəsində insan itkisi ilə nəticələnən terror aktları törədilib.

Tərcümə: S.Xankişiyeva