Damarlar nə üçün tutulur? - 7 əsas səbəb | 1news.az | Xəbərlər
Cəmiyyət

Damarlar nə üçün tutulur? - 7 əsas səbəb

16:47 - 23 / 05 / 2019
Damarlar nə üçün tutulur? - 7 əsas səbəb

Damarlarda xolesterinin (piyə oxşar maddə) yığılması nəticəsində damarlar daralır, öz elasktikliyini itirir, daha kövrək olur, damarların partlaması, tam tutulması riski artır.

1news.az Saglamolun.az-a istinadən xəbər verir ki, bu prosess ateroskleroz adlanır. Ateroskleroz uzun illər ərzində simptomsuz, gizli inkişaf edir vəyalnız  damarın bir çox hissəsi (70%-dən artıq) tutulduqda kliniki simptomlar əmələ gəlməyə başlayır. Ürək damarları tutulubsa ürək nahiyəsində ağrılar əmələ gəlir, beyin damarları tutulduqda yaddaşsızlıq, baş gicəllənməsi və s. kimi simptomlar meydana çıxır, ayaq damarları tutulanda insan "səbəbsiz" axsamağa başlayır və s.

Saglamolun.az xəbər verir ki, damarların tutulması infark və insultun əsas səbəbidir.

Bütün bunları nəzərə alaraq hər bir insan bu patoloji halın səbəblərini bilməlidir.

Beləliklə, damarlar nə üçün tutulur?

  1. İrsiyyət

Mübadilə proseslərinin xüsusiyyətləri damarların tutulmasını tezləşdirə bilər.

  1. Şəkərin həddindən artıq istehlakı

Şəkər damarlarda iltihab yaradır. İltihablaşmış damarda sağlam damarla müqayisədə xolesterin daha tez yığılmağa başlayır.

  1. Qalxanvari vəzinin funksiyasının azalması (hipotireoz)

Hal hazırda hipotireoz damarların tutulmasının əsas səbəblərinən biri kimi qiymətləndirilir. Qalxanvari vəzi maddələr mübadiləsi proseslərinə çox ciddi təsir edir. Qalxanvari vəzinin funksiyası azalanda maddələr mübadiləsi prosesləri yavaşıyır ki, nəticədə qanda xolesterinin səviyyəsi artır və o, damarlada yığılmağa başlayır.

  1. Uzunmüddətli xroniki stresslər

Stress zamanı damarlar kəskin sıxılır ki, bu da onların zədələnməsinə səbəb olur. Zədələnmiş damarlarda xolesterinin yığılması riski yüksəkdir.

Digər tərəfdən insan daim stress vəziyyətində yaşadıqda onun immun sisteminin fəaliyyəti ilk mərhələlərdə artır, immun hüceyrələr daha çox ifraz olunur. Özünə "iş" tapmayan (infeksiya, yara, zədə və s.) immun hüceyrələr öz silahlarını "düşmənlərə" (mikrob, bakteriya və s.) deyil, orqanizmə "tuşlayır" ki, nəticədə orqanizmdə və o cümlədən damarlada iltihab yaranmağa başlayır. İltihablaşmış damarlar isə daha tez tutulur.

  1. Cinsi hormonların çatışmazlığı

Cinsi hormonlar xolesterindən sintez olunur. Hormonların ifrazı müxtəlif səbəblərə görə (yaş, xəstəlik və s.) azaldıqda istifadə olunmayan xolesterin əvvəl qanda toplanır, daha sonra isə damarlarda yığılmağa başlayır.

  1. Siqaret çəkmək

Siqaret damarların qənimidir. Siqaret çəkən insanın damarları kəskin sıxılır ki, bu da onların zədələnməsinə səbəb olur. Zədələnmiş damarların tutulması riski artmış olur.

  1. Fiziki aktivliyin azalması (hipodinamiya)

Hipodinamiya bir çox xəstəliklərin (şəkərli diabet, piylənmə və s.) və o cümlədən aterosklerozun riskini artırır. Hipodinamiya qan dövranının pisləşməsinə, maddələr mübadiləsinin zəifləməsinə səbəb olur ki, nəticədə damarlarda xolesterinin yığılması və damarların tutulması ehtimalı da artır.

1news.az

Paylaş:
9580

Son xəbərlər

Hərbi qulluqçuların maarifləndirilməsi üzrə keçirilən tədbirlər davam etdirilirBu gün, 13:56Bakıda bankdan oğurluq edilməsinin qarşısı alınıb - VİDEOBu gün, 13:48Xəzər dənizi vasitəsilə 29,7 kq narkotikin Azərbaycana gətirilməsinin qarşısı alınıbBu gün, 13:35FHN Bakının mərkəzində məşhur kafenin fəaliyyətini dayandırıb - FOTO - VİDEOBu gün, 13:01Sabah leysan olacaq - Bayram gününün havası açıqlandıBu gün, 12:40Heydər Əliyev mərkəzi üçün hazırlanan əsər - “Hava fontanı - kəlağayıların rəqsi” - VİDEOBu gün, 12:22Pensiyaçılar ölkə əhalisinin 10,8 faizini təşkil edirBu gün, 12:14Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19RİNN bayramda gücləndirilmiş iş rejimində fəaliyyət göstərəcəkBu gün, 10:56“Qala” qoruğunda Novruz şənliyi keçirilib - FOTOBu gün, 10:48Yol polisi səfərə hazırlaşan sürücülərə müraciət edibBu gün, 10:38Abad məhəllələrdəki Novruz şənlikləri davam edir - FOTOBu gün, 10:27Xankəndidə xeyli silah-sursat tapılıbBu gün, 10:24Ötən gün 18 kiloqramdan çox narkotik vasitə aşkarlanıbBu gün, 10:12Mikayıl Cabbarov İlaxır Çərşənbəyə dair paylaşım edibBu gün, 10:10FHN Novruz bayramı ilə əlaqədar əhaliyə təkrar müraciət edibBu gün, 10:03Dağlıq ərazilərdə 6 dərəcəyədək şaxta olub - FAKTİKİ HAVABu gün, 09:59Beynəlxalq əmtəə, fond və valyuta bazarlarının göstəriciləriBu gün, 09:46
Bütün xəbərlər