“Dostluq üçün futbol” turnirində Azərbaycanı təmsil edəcək nümayəndə müəyyənləşib
Moskvada keçiriləcək “Dostluq üçün futbol” (Football for Friendship) turnirində Azərbaycanı təmsil edəcək nümayəndə müəyyən edilib.
1news.az-ın verdiyi xəbərə görə, mötəbər turnirdə ölkəmizi 12 yaşlı Conatan Ferqüsson təmsil edəcək.
Gənc futbolçu qapıçı kimi çıxış edəcək. Ferqüsson Kosta-Rika, Qırğızıstan, Sent-Lüsiya, Laos və Kamar adalarından olan gənc oyunçularla birlikdə çıxış edəcək.
Qeyd edək ki, Conatan Ferqüsson 2005-ci ildə Bakıda doğulub.
Azərbaycandan Moskvaya gənc jurnalist kimi Rəna Əliyeva göndəriləcək.
Qeyd edək ki, “Qazprom” İSC-nin himayədarlığı ilə “Dostluq üçün futbol” Beynəlxalq Uşaq Sosial proqramı 2013-cü ildən keçirilir.
Layihənin məqsədi – uşaq futbolunu inkişaf etdirərək uşaqlarda digər xalqlar və mədəniyyətlərə etiram və tolerantlığı tərbiyə etməkdir.
İştirakçıların dəstəkləyib irəliyə apardığı əsas dəyərlər – dostluq, bərabərlik, ədalət, sağlamlıq, sülh, sədaqət, qələbə, ənənələr və şərəfdir.
Xatırladaq ki, 2017-ci ildə Azərbaycanı təmsil edən Rəvan Kazımov turnirin qaliblərindən biri olub.
Qeyd edək ki, 1news.az “Dostluq üçün futbol” layihəsinin informasiya tərəfdaşıdır.
“Dostluq üçün futbol” turnirində azərbaycanlı nümayəndə qapıçı kimi çıxış edəcək – FOTO – VİDEO
“Şahdağ”-ın yetirməsi Azərbaycanı “Dostluq üçün futbol” beynəlxalq layihəsində təmsil edəcək
Tərcümə: S.Xankişiyeva
