Əli Həsənov: Çox istərdim ki, hər bir azərbaycanlı milli mənsubiyyətini itirən “məşhur ssenarist”ə münasibət bildirsin
Azərbaycan Prezidentinin İctimai-siyasi məsələlər üzrə köməkçisi - şöbə müdiri Əli Həsənov yazıçı, dramaturq və ssenarist Rüstəm İbrahimbəyovu “Qafqaz trio”su filmi ilə bağlı qınayıb.
“Mən çox istərdim ki, hər bir azərbaycanlı bu yazı ilə tanış olsun və təkcə milli hisslərini, milli mənsubiyyətini, milli dəyərlərini deyil, həm də adi insani keyfiyyətlərini itirərək haqqı, ədaləti və reallığı danan bu “məşhur ssenarist”ə münasibət bildirsin.
Eyni zamanda Prezidentin İctimai-siyasi məsələlər üzrə köməkçisi kinorejissor Ayaz Salayevə R.İbrahimbəyovun filmi ilə bağlı vətəndaş mövqeyini nümayiş etdirdiyi üçün minnətdarlıq ifadə edib.
Xatırladaq ki, “Bakinskiy raboçi” və 1news.az saytında dərc edilən məqaləsində A.Salayev R.İbrahimbəyovun azərbaycanlıları mənfi fonda, ermənilərin isə “xeyirxah” kimi göstərməsini tənqid edib.
“Film vasitəsilə (ilk dəfə olmasa da) – müəllif özünü Böyük Ağ Çar qarşısında vəhşi həmvətənliləri fonunda humanist və cəsarətli göstərməsidir. İllər əvvəl həmin müəllif bu “vəhşilərə” rəhbərlik etmək üçün prezidentliyə namizədliyini irəli sürmüşdü.
Bu cür sənətçilər – sovet imperiyasının tipik törəmələridir. Onlar arzulaqları minnətdarlıq və şəfqəti isə həmişə iyrənc qatışıqla alırlar”, – deyə A.Salayev öz məqaləsində qeyd edib.
Tərcümə: S.Xankişiyeva
