Elmar Məmmədyarov: İrəvanın tezliklə Qarabağ danışıqlarını davam etdirəcəyinə ümid edirik

Azərbaycan münaqişənin mərhələli həll olunması prosesini başlamaq məqsədi ilə Dağlıq Qarabağmünaqişəsinin tənzimlənməsi ı üzrə substantiv danışıqları davam etdirməyə hazırdır.

1news.az xəbər verir ki, bunu Azərbaycanın xarici işlər naziri Elmar Məmmədyarov RİA-Novosti agentliyinə müsahibəsində deyib.

"Bundan əlavə, son vaxtlardakı danışıqların gedişatını izləsəniz, məhz rəsmi Bakının dəfələrlə nəticəyə - Azərbaycan torpaqlarının işğalına sona qoyulmasına, məcburi köçkünlərin, o cümlədən Dağlıq Qarabağın Azərbaycan icmasının nümayəndələrinin təhlükəsiz və layiqli şəkildə öz evlərinə qayıtması üçün şəraitin yaradılmasına, ardından isə Azərbaycanın erməni və Azərbaycan icmalarından ibarət Dağlıq Qarabağ regionunun əhalisi üçün özünüidarəetmənin geniş hüquqlarının təmin edilməsinə yönəlmiş məsuliyyətli dialoqun təşviq edilməsinin vacibliyini bildirdiyini görərsiniz", -XİN rəhbəri bildirib.

E.Məmmədyarov vurğulayıb ki, Azərbaycan Prezidenti İlham Əliyev və Ermənistanın baş naziri Nikol Paşinyan arasında Düşənbədə MDB dövlət başçılarının sammiti çərçivəsində keçirilmiş yüksək səviyyəli söhbəti Azərbaycanın məzmunlu dialoqa hazır olduğuna bazir nümunədir.

"Təəssüf ki, İrəvanda baş vermiş hakimiyyət dəyişikliyi və bu günə qədər müşahidə olunan sarsıntılar müəyyən dərəcədə prosesi yavaşıdıb. Ümid edirik ki, Ermənistan rəhbərliyi yaxın zamanlarda mövcud format çərçivəsində və məlum gündəmə əsasən danışıqlar prosesini davam etdirmək üçün siyasi iradə nümayiş etdirəcək", - nazir əlavə edib.

1news.az