Erməni deputatların müraciəti: Fəlakətin astanasındayıq
Ermənistan Parlamentinin bir qrup deputatı baş nazir Nikol Paşinyan və onun ətrafının “fəaliyyəti” ilə bağlı narahatlıqlarını dilə gətiriblər.
1news.az-ın verdiyi xəbərə görə, bu barədə erməni deputatların müraciəti aravot.am-da dərc edilib:
“Nikol Paşinyanın hakimiyyətə gəlişindən 100 gün sonra Ermənistanın xarici siyasəti ciddi şəkildə pozulub, prioritetlərimiz arasında qarışıqlıq hökm sürür. Baş nazir tərəfindən cəsarətli, sərt bəyanatların səsləndirilməsi hesabına 1 nömrəli hərbi-siyasi müttəfiqimiz Rusiya ilə münasibətlər gərginləşib və bu prosesin sonu görünmür.
Avropa istiqamətində hər hansı bir aadım və ölkəmizə yardımla bağlı yardımçı proqramlarla bağlı təşəbbüslər də yoxdur. Eləcə də Amerika tərəfdən də hər hansı investisiya yatırımları yoxdur. Əvəzində ABŞ-dan Amulsar ətrafında hadisələrin gərginləşməsilə bağlı siqnal var”.
Deputatlar bəyan edib ki, Dağlıq Qarabağ münaqişəsinin həlli ilə bağlı Nikol Paşinyanın bəyanatları dolaşıq və məsuliyyətsizdir, siyasi nöqteyi-nəzərdən isə fəlakətlidir:
“Belə çıxır ki, Ermənistan 100 gün ərzində yeni müttəfiqlər qazanmayaraq, köhnələrdən uzaqlaşdı.
Müharibə şəraiti olmasa da, hərbi qulluqçularımız – istər zabit, istərsə də generallara qarşı açılmış cinayət işlərindən dolayı nüfuzdan salınıb. Şanlı ordunun tərkibi ilə bağlı ictimai çıxışların heç bir əhəmiyyəti yoxdur. Çünki həmin tərkib cinayət işlərinə görə ya müqqəssir, ya da şahid qismində “teleulduzlara” çevrilib. Hansı məsuliyyət və dərrakəyə sahib olmaq olar ki, düşünəndə ki, bu cür zabit və generallar qəfil müharibə başlayarsa ordumuza komandanlıq edəcək”.
Erməni deputatların fikrincə, silah təchizatı məsələsində Rusiya ilə problemlər qaçılmazdır. Çünki bu təəssüratı erməni silahlı qüvvələrinin başında dayananların qeyri-ciddi addımları yaradır.
Bu cür sürətlə müəyyən müddət sonra fəlakət qaçılmazdır. Həmçinin bir neçə ay müddətində “şişirdilmiş” iqtisadi artım da saxta şəkildə inkişaf edəcək. İnsanlar anlamayacaq ki, işsizliyin səviyyəsi azaldığı, iqtisadi artım müşahidə olduğu halda masadakı ərzaqlar niyə azalır?! Bir məqam gələcək ki, bunları əhaliyə izah etmək lazım olacaq”.
“Bütün bu müddətdə erməni Apostol kilsəsinə qarşı düşünülmüş və sistemləşdirilmiş hücumların şahidi oluruq. Kütləvi informasiya vasitələri, xüsusislə də sosial şəbəkələr hədəfə alınıb. Sosial şəbəkələrdə ksenofobiya, nifrət, təhqir və düşmənçiliklə bağlı təbliğatlar aparılır. Lakin siyasi dariələr buna heç bir məhəl qoymur”.
“Cənablar, yeni ayrıseçkiliklər yaratmayın! İndiyə qədər etdiyini hər bir işi təxirə salın. Özünüzü hökumət kimi aparın. Hər kəs üçün lider olmaq üçün fəlakətdən qaçış ümidi bəxş edin”, - deyə erməni deputatlar sonda müracitərlərində bildirib.
Tərcümə: S.Xankişiyeva
MTX-nın gizli agenti Paşinyan ABŞ-la Qarabağın təhvil verilməsini müzakirə edir – FOTO
