1news.az

Meksikalı musiqiçilər Azərbaycan tamaşaçılarının zövqunu oxşayıb - FOTO

25 İyun saat 16:05 ~ 1 dəqiqəlik oxu 132
Meksikalı musiqiçilər Azərbaycan tamaşaçılarının zövqunu oxşayıb - FOTO

Məhşur meksikalı zərb aləti ifaçısı, bu ölkədə marimba alətinin hazırlanması və ifası ilə məşğul olan beş nəsil ustadların adətinin davamçısı Xavyer Nandayapa və zərb aləti ifaçısı Mirna Yam Beynəlxalq Muğam Mərkəzində marimba və digər zərb alətlərində ifaları ilə çıxış ediblər.

1news.az xəbər verir ki, Meksikanın Azərbaycandakı səfirliyinin Beynəlxalq Muğam Mərkəzi, Bakı Musiqi Akademiyası (BMA), Landmark otel və Türk Hava Yolları ilə əməkdaşlığı əsasında həyata keçirilən səfər çərçivəsində Xavyer Nandayapa BMA-da ustad dərsi keçib.

Maestro Nandayapa Akademiyanın tələbələrinə Meksika marimbasının xüsusiyyətlərini, tarix  boyu alətin təkamülünü izah edib və müxtəlif ifa texnikalarını nümayiş etdirib. Marimba kimi xalq musiqisində yer alan, eyni zamanda klassik orkestrlərdə təmsil olunan zərb alətlərə istinad ediB. Tələbələr bəzi əsərləri ifa etmək və ifalarını yaxşılaşdırmağa dair maestro Nandayapadan birbaşa təlimatlar almaq imkanında olublar.

İyunun 24-də Landmark otelində  tamaşaçılar Xavyer Nandayapa və Mirna Yamın təkrarsız ifasından zövq aldılar. Meksika musiqiçiləri tərəfindən ifa olunan Meksika, Latın Amerikası və Avropa bəstəkarlarının əsərləri dinləmək tamaşaçılara xoş anlar yaşatdı. Qeyd etmək lazımdır ki, maestro 30 illik səhnə fəaliyyətinə həsr olunan və Azərbaycan da daxil olmaqla, 17 ölkəni əhatə edən turu həyata keçirməkdədir.

P.Sultanova

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net