Bakı metrosunda hərəkət bərpa olunub - YENİLƏNİB
Bakı metropoliteninin Bənövşəyi xəttində - “Avtovağzal” və “Memar Əcəmi” stansiyaları arasında hərəkət bərpa olunub.
1news.az-ın APA-ya istinadla verdiyi xəbərə görə, bu barədə Bakı Metropoliteninin mətbuat xidmətinin rəhbəri Bəxtiyar Məmmədov deyib.
Onun sözlərinə görə, sərnişinlər stansiyadan istifadə edə bilərlər.
09.11
Elektrik enerjisinin verilişi kəsildiyindən Bakı metropoliteninin Bənövşəyi xəttinin “Avtovağzal” və “Memar Əcəmi” stansiyaları işləmir və sərnişinləri qəbul etmir.
1news.az-ın verdiyi xəbərə görə, bu barədə Metropolitenin mətbuat katibi Bəxtiyar Məmmədli deyib.
“Bununla əlaqədar, Bakı Nəqliyyyat Agentliyi Sumqayıt və ətraf ərazilərdən Beynəlxalq Avtovağzal Kompleksinə gələn marşrut xətləri üzrə avtobusların, müvəqqəti olaraq, metronun “İnşaatçılar”, “Memar Əcəmi” və “Nizami” stansiyalarına hərəkətini təşkil edib.
Eyni zamanda, “Avtovağzal” stansiyası istiqamətində sərnişin sıxlığının mümkünlüyünü nəzərə alaraq, Bakı Nəqliyyat Agentliyi bu istiqamətdə fəaliyyət göstərən marşrut xətlərinin sayının artırılması ilə bağlı daşıyıcılara göstəriş verib”, - deyə o əlavə edib.
B.Məmmədlinin sözlərinə görə, elektrik enerjisinin verilişi bərpa olunan kimi “Avtovağzal-Memar Əcəmi” stansiyaları arasında qatarların hərəkəti təmin ediləcək və sərnişinlər stansiyaların xidmətindən istifadə edə biləcək.
S.Xankişiyeva
