1news.az

“Badamlı” yeni istehsal sahəsi açır – FOTO

18 İyun saat 12:00 ~ 2 dəqiqəlik oxu 296
“Badamlı” yeni istehsal sahəsi açır – FOTO

“Badamlı” təbii mineral süfrə sularının qablaşdırılması və satışı ilə məşğul olan “Gəmiqaya Mineral Sular” MMC Şahbuz rayonu Badamlı qəsəbəsində yeni istehsal sahəsi tikir.

Şirkət rəsmisi Hünbət Qəhrəmanov bildirir ki, son illərdə cəmiyyətdəki maariflənmənin nəticəsi olaraq daxili bazarda alıcılar mineral sulara, o cümlədən “Badamlı” sularına digər sulardan daha çox üstünlük verirlər.

“Bu hal təbii olaraq mineral sulara olan tələbatın qat-qat artmasına səbəb olub.“Gəmiqaya Mineral Sular” MMC-nin artan tələbatı qarşılamaq üçün yeni və daha böyük istehsal sahəsinin quraşdırılması qərarlaşdırılıb. Yeni zavod 1 hektara yaxın sahəni əhatə edəcək. Hal-hazırda fəaliyyət göstərən qablaşdırma sahəsində olduğu kimi yeni zavodda da Fransanın Sidel markalı qablaşdırma avadanlıqlarından istifadə ediləcək. Lakin istehsal gücü əhəmiyyətli dərəcədə, təqribən 3 qat artırılacaq. Bununla yanaşı işçi sayımız da artacaq.

Xarici bazarda da tendensiya müsbət yöndə dəyişir. Son illərdə ölkəmizin artan turizm potensialı bizim işlərə də öz müsbət töhfəsini verir. Belə ki, bir çox halda ölkəmizə gələn turistlər “Badamlı” sularını içib çox bəyənirlər. Bu turistlərin arasında bəzən iş adamları da olur. Onlar bizə “Badamlı” sularını öz ölkələrində satmaq üçün müraciət edirlər.

Beləliklə ixrac imkanlarımız genişlənir. Hal-hazırda Rusiya, Çin, BƏƏ, İraq kimi ölkələrə “Badamlı” sularını ixrac edirik. İxracımız ildən-ilə daha da artır. Bütün bu amilləri nəzərə alaraq bu ilin sonunda fəaliyyətə başlaması planlaşdırılan yeni istehsal sahəmizin işimizi daha da sürətləndirəcəyinə inanırıq”.

Qeyd edək ki, “Badamlı” suları Azərbaycanın ilk su brendidir. 1947-ci ildən indiyə qədər Sovet İttifaqı ölkələrində içilən ən məşhur sulardan biri olub. 2009-cu ildə isə köhnə istehsal sahələri yeni texnologiyaya əsaslanan zavodla əvəz edilib. Yeni daha böyük istehsal sahəsinin isə 2019-cu ilin sonu 2020-ci ilin əvvələrində açılması planlaşdırılır.

Reklam hüququnda

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net