ru

Ermənistan

12 Oktyabr saat 12:30

Azərbaycan mahnısı çalındı, Paşinyan oynadı – VİDEO

Azərbaycan mahnısı çalındı, Paşinyan oynadı – VİDEO

Ermənilər nöbvəti dəfə Azərbaycanın milli musiqisini oğurlayaraq özlərinki kimi təqdim ediblər.

1news.az-ın publika.az-a istinadla verdiyi xəbərə görə, oktyabrın 11-də Yerevanda 58 ölkəni birləşdirən Frankofoniya Beynəlxalq Təşkilatının sammiti keçirilib.

Əvvəllər ciddi beynəlxalq konfranslara ev sahibliyi etməmiş Ermənistan bu tədbirə Azərbaycana qarşı təxribat fürsəti kimi baxıb.

Əvvəlcə Yerevanda açılan “Frankofoniya şəhərciyi”ndə Azərbaycanın işğal edilmiş Dağlıq Qarabağ bölgəsi Ermənistan pavilyonu nəzdində təqdim edilib. Amma işğalçı ölkənin siyasi rəhbərliyi bununla kifayətlənməyib.

Frankofoniya sammitinin rəsmi hissəsi başa çatandan sonra gəzinti və ziyafət təşkil edilib. Ziyafətdə səslənən musiqilər isə Azərbaycandan oğurlanma olub. Ermənistanın baş naziri Nikol Paşinyan, tədbirdə iştirak edən dövlət və hökumət başçıları, eləcə də başqa ölkələrin rəsmləri ziyafət zamanı erməni musiqisi kimi səsləndirilən Azərbaycan rəqs havalarına oynayıblar.

Novxanı qəsəbəsi Mehdi Hüseynzadə adına orta məkətbin musiqi müəllimi Təranə Əliməmmədova bildirib ki, birinci videoda Azərbaycanın “Duy-duy” və “Xurcunu” rəqslərinin qarışığı səsləndirilib.

İkinci videodakı hava isə Azərbaycanın “Basqalı” rəqsidir.

Frankofoniya sammitinin ziyafət hissəsində oynanılan rəqslərin və Azərbaycan rəqs musiqilərinin orjinallarını təqdim edirik.

S.Xankişiyeva

 

 

 

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News", İnformasiya Agentliyi
Bütün hüquqlar qorunur