Suyun altında da smartfondan istifadə edə biləcəksiniz

Çinin “Xiaomi” şirkəti qiyməti cəmi 5 dollar olan sukeçirməz çexolunu buraxıb.

1news.az Lent.az-a istinadən xəbər verir ki, o, yalnız brend telefonlara deyil, digər qiymətli əşyalara da yaraşır.

“Xiaomi”də telefonlar üçün aksesuarların sayını artırmaq qərarına gəliblər. Bu səbəbdən şirkət sukeçirməz çexol istehsal edib. Onun özəlliklərindən biri materialıdır. Çünki bu çexol demək olar ki, tamamilə poliuretandan istehsal edilib. O, suyun içəri keçməsinə imkan verməyəcək, həmçinin də sensorun suyun altında istifadə edilməsinə imkan verəcək.

Şirkətdə 10 il ərzində aparılan sınaqlar konstruksiyanın etibarlılığını göstərib.

Bundan əvvəl isə bildirilib ki, “Red Hydrogen One” smartfonları “Snapdragon 835” prosessoruna malik olacaqlar.

1news.az