1news.az

Tengiz Txilava: Gürcüstanda “Arsaxın qəhrəmanı”nın heykəli ola bilməz

11 Fevral saat 15:12 ~ 2 dəqiqəlik oxu 372
Tengiz Txilava: Gürcüstanda “Arsaxın qəhrəmanı”nın heykəli ola bilməz

1news.az-ın gürcü ekspert Tengiz Txilava ilə müsahibəsi:

- Nə üçün Buqaşen qəsəbəsində Axalkalaki bələdiyyəsi tərəfindən Azərbaycan ərazilərinin işğalında iştirak etmiş, dinc azərbaycanlıları qətlə yetirmiş terrorçu və separatçı Mixail Avaqyana büst qoyulub?

- Həmin büst separatçılığı təbliğ etdiyi üçün etirazlara səbəb olur. Bu şəxs separatçıların tərəfində döyüşüb. Gürcüstanın da Azərbaycan kimi separtizmlə bağlı problemləri var. Bizə deyirlər ki, bu şəxs Gürcüstanın tanımadığı “Arsax”ın qəhrəmanıdır. Buna görə də Gürcüstanda “Arsaxın qəhrəmanı”nın heykəli ola bilməz.

Hadisələrə diqqətlə nəzər yetirsək, görərik ki, heykəl çoxdan vardı, başqa yerdə idi. Sadəcə indi onu yenidən bərpa ediblər. Heykəlin yanvarın 20-də açılması çox şeydən xəbər verir. Bu, əvvəlcədən düşünülmüş və planlaşdırılmış təxribatdır.

Təəssüflər olsun ki, heykəlin açılışında Gürcüstanın hökumət nümayəndələri ilə yanaşı, erməni parlamentarilər də iştirak edib.

- Deyirsiniz ki, hökumət bundan xəbərsiz idi. Bu, mümkün ola bilər?

- Əsas hökumətin xəbərin olmayıb, yerli icra orqanları xəbərdar olub ki, bu da aydın məsələdir. Elə açılışda da onlar iştirak edib.

- Belə təəssürat yaranır ki, Gürcüstanın regiona münasibəti dəyişib. Yeni rəhbərlik Azərbaycanla münasibətləri pisləşdirmək istəyir? Belə ki, Azərbaycanda 20 Yanvar faciəsinin ildönümü qeyd edilən günü Gürcüstanda azərbaycanlıların qatilinə heykəl ucaldılıb.

- Gürcüstanın heç bir hökuməti – nə inkidi, nə də keçmiş hökumət Azərbaycanla münasibətlərin pisləşməsini istəməz. Bu münasibətlər əsrlər boyu qurulub. Bu, çox güman ki, boşluqdur. Elə etmək lazımdır ki, bu boşluqdan nə dövlət simasını itirsin, nə də oradakı vəziyyət gərginləşməsin.

- Abxaziya və Sxinvali regionu vasitəsilə dəmir yolu xəttinin açılışı mümkündür?

- Nəzəri baxımdan mümkündür. Hazırda bu istiqamətdə danışıqlar aparılır.

- Məsələ ilə bağlı Gürcüstan ictimaiyyətinin münasibəti necədir?

- Gec ya da tez gömrükdə qondarma Abxaziya və Cənubi Osetiyanın bayrağını görə bilərsiniz. Bu, zaman məsələsidir.

Hazırda Gürcüstan hökuməti bu barədə heç nə danışmır. Lakin hökumətimiz məsələni həll etməlidir. Gürcüstan ərasizindən silah-surtatın Ermənistana daşınması parlament tərəfindən qadağan edilib. Ümid edirəm ki, bu məsələ ilə bağlı mətbuatda müzakirələr aparılmayacaq.

Gürcüstan parlamentinin qarşısında azərbaycanlılar aksiya keçirir – FOTO – VİDEO

Arxadan vurulan zərbə: Gürcüstan separatçıları dəstəkləyir?

XİN Gürcüstana etirazını bildirib – Avaqyana görə

Gürcüstan XİN Qarabağ müharibəsində iştirak etmiş erməni hərbçiyə büstün qoyulmasına münasibət bildirib

Tərcümə: S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net