Elektrovoz Tovuz sakinini vurub

Tovuz rayonunda ölümlə nəticələnən bədbəxt hadisə baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə iyunun 25-də saat 12 radələrində Tovuz-Qovlar dəmir yolununun 121-ci kilometrliyində qorunmayan keçiddə qeydə alınıb.

Belə ki, həmin ərazidə elektrovozla Qovlar şəhər sakini 1967-ci il təvəllüdlü Səlfinaz Tağıyeva vurulub və nəticədə o, hadisə yerində ölüb.

Sonradan onun psixoloji problemlərinin olduğu və intihar etdiyi məlum olub.

Faktla bağlı cinayət işi açılıb, araşdırma davam etdirilir.

Babək Cahandarov