Bakıda yeni salınmış küçəyə general Hüseyn Rəsulbəyovun adı verilib

Azərbaycan Respublikasının Prezidenti İlham Əliyev tərəfindən iyulun 25-də açılışı olmuş Bakı şəhəri, Nəsimi rayonu, Yusif Səfərov küçəsinin başlanğıcından Kövkəb Səfərəliyeva küçəsinə qədər yeni küçəyə general Hüseyn Rəsulbəyovun adı verilib.

1news.az-ın məlumatına görə, Bakı Şəhər İcra Hakimiyyətinin başçısı Hacıbala Abutalıbov bununla bağlı sərəncam imzalayıb.

Sərəncamda küçə adını göstərən löhvələrin vurulması müvafiq qaydalara əsasən Əmlak Məsələləri Dövlət Komitəsi yanında Daşınmaz Əmlakın Dövlət Reyesteri Xidmətindən xahiş olunur. Sərəncamın icrasına nəzarət Bakı Şəhər Memarlıq və Şəhərsalma Baş İdarəsinə həvalə edilir.

Babək Cahandarov