“Air Arabia”nın Qəbələyə uçuşlarının tarixi açıqlanıb
Birləşmiş Ərəb Əmirliyinin (BƏƏ) “Air Arabia” aşağı büdcəli aviaşirkəti Qəbələyə həyata keçirəcəyi müntəzəm uçuşların tarixini açıqlayıb.
1news.az “TradeArabia” portalına istinadla xəbər verir ki, uçuşlara bu ilin 27 iyun tarixindən başlanacaq və həftədə 3 dəfə- bazar ertəsi, çərşənbə, cümə günləri yerinə yetiriləcək.
Şirkətin baş icraçı direktoru Adil əl-Əli vurğulayıb ki, uçuşlar hər iki tərəfdən, həm Körfəz ölkələri, həm də Azərbaycandan səyahət edən sərnişinlərin sayını artıracaq və Qafqaz regionu ilə əlaqələri gücləndirəcək.
Qeyd edək ki, uçuşlar “Şarja” beynəlxalq hava limanından yerli vaxtla saat 13:00-da start götürəcək. Qəbələyə çatma vaxtı isə 16:10-dur.“Qəbələ” hava limanında geri dönüş 17:15, çatma vaxtı 19:50-dir.
P.Sultanova