2017-ci ildə PAŞA Sığorta şirkətinin təqdimatında “Tirə Zərbə” rubrikasına start verilib - FOTO

AFFA və PAŞA Sığortanın Facebook səhifəsi vasitəsilə paylaşılan videoların əsas məqsədi milli komandamızın üzvlərini rəsmi Facebook səhifələrində azarkeşlərə daha yaxın etmək, izləyicilər üçün əyləncəli müsabiqə təşkil etməkdir.

Rubrikanın məqsədi, milli komandanın futbolçularını daha fərqli və interaktiv şəkildə azarkeşlərə təqdim edib, onları təbliğ edib daha çox tanıtmaqdır.

Müsabiqədə iştirak edən milli komandanın futbolçularına maksimum sayda topu tirə göndərmək üçün 1 cəhd və 10 top verilir. Hər həftə futbolçular bir- biri ilə yarışıb, rekordu yeniləməyə çalışır.

İlkin olaraq, AFFA və PAŞA Sığortanın rəsmi Facebook səhifələrində növbəti həftə rubrikada iştirak edəcək futbolçu elan edilir. Daha sonra AFFA tərəfindən anons videosu hazırlanır və PAŞA Sığortanın səhifəsində azarkeşlər arasında müsabiqədə iştirak etməyə dəvət edilir. Burada azarkeşlər şərh bölməsində elan edilmiş futbolçunun neçə topu tirə göndərəcəyini qeyd edir və ilk düzgün cavab verən izləyici üçüncü hissədən sonra qalib elan olunur. Sonda isə video AFFA və PAŞA Sığortanın Facebook səhifəsində paylaşılır.

Hazırda, milli komandanın 9 futbolçusu artıq müsabiqədə iştirak edib və uzun zaman rekord yarımmüdafiəçimiz Emin Mahmudova məxsus olub. O, 10 topdan 6-nı tirə göndərməyi bacarmışdır. Lakin, rubrikanın sonuncu iştirakçısı Namiq Ələsgərov Eminin rekordunu təkrarlamağı bacarmışdır.

Bundan əlavə, “Tirə Zərbə” rubrikasının xüsusi buraxılışında 3 veteran futbolçumuz iştirak edib. Bunlar, Mahmud Qurbanov, Yunis Hüseynov və Vidadi Rzayevdir.

Əgər siz də milli komandamızın futbolçuları arasında keçirilən müsabiqəni görmək istəyirsinizsə, o zaman AFFA və PAŞA Sığortanın rəsmi facebook səhifələrini izləyin!

PAŞA Sığorta: https://www.facebook.com/pasha.insurance/

AFFA: https://www.facebook.com/affaazerbaijan/

Reklam hüququnda