Beynəlxalq konfransın iştirakçıları Füzuli hava limanına gəliblər - FOTO
Ötən gün ADA Universitetində işinə başlayan Ulu öndər Heydər Əliyevin anadan olmasının 100 illik yubileyinə həsr olunmuş “Böyük Avrasiya geosiyasətinin formalaşması: keçmişdən bu günə və gələcəyə” mövzusunda konfransın iştirakçıları Şuşada keçiriləcək konfransa getmək üçün Füzuli hava limanına gəliblər.
Tədbir iştirakçılar "Qusar" adı verilmiş təyyarə ilə hava limanına eniş edib.
1news.az-ın Füzuliyə ezam olunmuş əməkdaşı xəbər verir ki , qonaqlara Füzuli Beynəlxalq hava limanı haqqında məlumat verilib. Qonaqlar COVID testi verdikdən sonra Şuşaya yola çıxacaqlar.
Qeyd edək ki, mayın 2-də ADA Universitetində 30-dan çox ölkənin 60-dək nümayəndəsinin iştirakı ilə “Böyük Avrasiya geosiyasətinin formalaşması: keçmişdən bu günə və gələcəyə” mövzusunda beynəlxalq konfrans başlayıb. konfrans Ulu Öndər Heydər Əliyevin anadan olmasının 100 illik yubileyinə həsr edilib.
Konfransda ABŞ dövlət katibinin sabiq köməkçisinin müavini, Özbəkistanın Ali Məclisi Senatı sədrinin keçmiş birinci müavini və digər qonaqlar iştirak edirlər.
