Uşaqları gəmiçi olmağa həvəsləndirən Azərbaycanın və dünyanın ilk tanker muzeyindən VİDEOREPORTAJ
Ölkəmizdə bir çox maraqlı muzey var. Onlardan biri də 2021-ci ildə açılışı olan dünyada ilk tanker muzeyi olan “Suraxanı” gəmi-muzeyidir.
1957-ci ildə istismara verilən Suraxanı gəmisi “Mühəndis A.Pustoşkin” tipli gəmilərdən biridir. Uzun müddət neftdaşımada istifadə edilən tanker son dövrlər neft təmizləyici stansiya qismində istismar olub.
Bu muzey uşaqları gəmiçilik sahəsinə yönləndirən muzey də adlandırmaq olar. Belə ki, nuzeydə müxtəlif intellektual oyunlar, gəmiçiliklə bağlı eksponatlar, gəminin mühərriki, dənizdən aşkarlanan müxtəlif qalıqları, dəniz canlılarının qalıqları və gəmiçilərin yaşayışı ilə tanış ola bilərsiniz.
Eyni zamanda gəmidə restoran da fəaliyyət göstərir.
Muzeyə giriş biletləri qiymətlərinə gəldikdə isə, fərdi ziyarətçi üçün 5 AZN, qrup şəklində (8-10 nəfər) 3 AZN, tələbə (tələbə bileti əsasında) 2 AZN, məktəblilər üçün 2 AZN, ASCO-nun əməkdaşları və dənizçiləri, onların ailə üzvləri üçün giriş bileti (iş vəsiqəsi əsasında) 2 AZN təşkil edir.
Azərbaycanın Milli Qəhrəmanlarına, şəhid ailələrinə, Sovet İttifaqı Qəhrəmanlarına, İkinci Dünya müharibəsi, Əfqanıstan və Qarabağ müharibələrinin iştirakçılarına, 20 Yanvar və Çernobıl hadisələri əlillərinə, veteran dənizçilərə, Beynəlxalq Muzeylər Şurasının (ICOM) üzvləri giriş ödənişsiz və növbəsizdir.
1news.az-ın “Suraxanı” gəmi-muzeyindən reportajını təqdim edirik:
Foto+Video: Nadir İbrahimli
