İlon Mask Bakıda keçirilən Beynəlxalq Astronavtika Konqresində onlayn çıxış edib
“SpaceX” şirkətinin təsisçisi İlon Mask 74-cü Beynəlxalq Astronavtika Konqresində onlayn şəkildə iştirak edib.
1news.az xəbər verir ki, o, kosmik sahədə yeniliklərdən, dünyanın müxtəlif ölkələrində bu sahəyə olan maraqdan, həmçinin investisiya və aparılan elmi araşdırmaların gələcək üçün töhfələri barədə danışıb.
***
14:05
“SpaceX” şirkətinin təsisçisi İlon Mask bu gün 74-cü Beynəlxalq Astronavtika Konqresində onlayn şəkildə çıxış edəcək.
1news.az xəbər verir ki, Heydər Əliyev Mərkəzində keçirilən tədbirə İlon Mask virtual olaraq Bakı vaxtı ilə saat 17:45-də qoşulacaq.
Çıxış Beynəlxalq Astronavtika Federasiyanın veb-saytında, YouTube kanalında, eyni zamanda 74-cü Beynəlxalq Astronavtika Konqresinin X (keçmiş Twitter) platformasındakı rəsmi səhifəsində canlı olaraq yayımlanacaq.
