ADY nümayəndə heyəti Çin Xalq Respublikasında rəsmi səfərdə olub | 1news.az | Xəbərlər
Cəmiyyət

ADY nümayəndə heyəti Çin Xalq Respublikasında rəsmi səfərdə olub

Qafar Ağayev15:05 - 22 / 05 / 2024
ADY nümayəndə heyəti Çin Xalq Respublikasında rəsmi səfərdə olub

“Azərbaycan Dəmir Yolları” QSC-nin (ADY) nümayəndə heyəti 20-22 may tarixlərində Çin Xalq Respublikasında rəsmi səfərdə olub. Üç günlük səfər çərçivəsində "Çin Dəmir Yolları" dövlət korporasiya şirkətinin sədri Liu Jenfanq ilə görüşən Rövşən Rüstəmov çinli həmkarı ilə Orta Dəhlizin genişlənən yükdaşıma imkanlarını müzakirə edib, Azərbaycanın bu istiqamətdə gördüyü mühüm işləri, ADY-nin Şərq-Qərb marşrutu üzrə artmaqda olan yük həcmlərini diqqətə çatdırıb.

1news.az xəbər verir ki, Rövşən Rüstəmov çinli həmkarını Azərbaycanın dəmir yolu nəqliyyatı sahəsində icra olunan layihələr, o cümlədən yükdaşıma əməliyyatlarının optimallaşdırılması və rəqəmsallaşdırılması, dəmiryol infrastrukturunun sağlamlaşdırılması, Bakı-Tbilisi-Qars dəmir yolu xəttinin yükdaşıma imkanlarının artırılması, tranzit yük daşımaları üçün potensialın genişləndirilməsi istiqamətində həyata keçirilən tədbirlər barədə ətraflı məlumatlandırıb.

ADY nümayəndə heyəti həmçinin “Çin Dəmir Yolları Konteyner Daşımaları” şirkətinin, “Çin Beynəlxalq Dəmiryol Şirkəti”nin, “Sian Azad Ticarət Limanı Tikinti və Əməliyyat” şirkətinin, “Lianyunqyanq Liman Qrupu” şirkətinin rəhbərliyi ilə Şərq-Qərb yük daşımaları və dəmir yolu infrastrukturun müasirləşdirilməsi sahəsində Azərbaycan-Çin əməkdaşlığının gücləndirilməsi ilə bağlı geniş müzakirələr aparıb.

Qeyd edək ki, ilin əvvəlindən Sian Limanından göndərilən konteyner blok qatarların Orta Dəhliz üzrə hərəkəti bərpa olunub və may ayında qatarların sayı 60-a çatıb. Cari ilin sonunadək bu dəhlizlə 250-yə yaxın konteyner blok qatarın göndərilməsi planlaşdırılır.

Görüşlər zamanı Orta Dəhliz üzrə konteyner daşımalarının inkişaf etdirilməsi və mövcud olan çətinliklərin aradan qaldırılması üzrə atılacaq birgə addımlar müzakirə olunub. Müzakirələr nəticəsində iyun ayından başlayaraq Sian limanı ilə yanaşı Lianyunqyanq limanından da Bakıya konteyner blok qatarların göndərilməsi barədə razılıq əldə olunub.

Bundan başqa, ADY nümayəndə heyəti Pekin sürət qatarı deposunu və “Çin Dəmir Yolları” dövlət korporasiya şirkətinin əməliyyatları idarəetmə mərkəzini ziyarət edib.

Paylaş:
132

Son xəbərlər

Beynəlxalq Qurama Festivalı Şuşa səfəri ilə başa çatdı - FOTO24 / 06 / 2024, 19:11AZAL növbəti dəfə Mərkəzi Asiya və MDB-nin ən yaxşı aviaşirkəti seçilib24 / 06 / 2024, 18:31MMF2024-ün üçüncü gününün spikerləri bəlli oldu!24 / 06 / 2024, 17:49Berlində Azərbaycan dili məktəbinin açılışı olub24 / 06 / 2024, 17:38Ötən il 55 tələbə vəfat edib24 / 06 / 2024, 17:34Ceyhun Bayramov Qırğız Respublikasının yeni səfiri Maksat Mamıtkanovu qəbul edib24 / 06 / 2024, 17:12Ötən il buraxılış imtahanı üzrə ən yüksək və ən aşağı göstəricilərin qeydə alındığı bölgələr - SİYAHI24 / 06 / 2024, 16:45Müəllimlərin sertifikatlaşdırma prosesinin test imtahanı mərhələsi yekunlaşıb24 / 06 / 2024, 16:36Bakı metrosunun Bənövşəyi xəttində qatarların hərəkət qrafiki dəyişdirilir24 / 06 / 2024, 16:29Bakıda qətlə yetirilən polis əməkdaşı Mirəli Heydərov Kürdəmirdə dəfn olunub - FOTO24 / 06 / 2024, 16:13Xalq Bank və “Baku City Residence” xüsusi kobrend Visa kartını təqdim ediblər24 / 06 / 2024, 16:05AAYDA: Salyan şosesində təmir işlərinə başlanılıb24 / 06 / 2024, 16:00Bu gün Xalq şairi Nigar Rəfibəylinin doğum günüdür24 / 06 / 2024, 15:49Konstitusiya Məhkəməsi Milli Məclisin buraxılması barədə Prezidentin sorğusuna baxacaq24 / 06 / 2024, 15:37Vergi Sazişi üzrə tədbirlərin həyata keçirilməsinə dair Çoxtərəfli Konvensiya təsdiq edilib24 / 06 / 2024, 15:23Azərbaycanda xüsusi karantin rejiminin müddəti uzadılıb24 / 06 / 2024, 15:01Dövlət qulluqçuları təltif edilib - SƏRƏNCAM24 / 06 / 2024, 15:00Xidməti vəzifələrini yerinə yetirərkən həlak olan polis əməkdaşları ilə vida mərasimi keçirilib - FOTO24 / 06 / 2024, 14:44Bakıda qətlə yetirilən polis əməkdaşı Mahir Ağayev dəfn olunub - FOTO24 / 06 / 2024, 14:32Qızıl Aypara Cəmiyyəti və “LU-MUN Holding” MMC-nin dəstəyi ilə Neftçala və Mingəçevirdə “Ümumi Xeyriyyə Aksiyası” baş tutub - FOTO24 / 06 / 2024, 14:20
Bütün xəbərlər