DOST Rəqəmsal İnnovasiyalar Mərkəzi beynəlxalq müsabiqədə uğur qazanıb
![DOST Rəqəmsal İnnovasiyalar Mərkəzi beynəlxalq müsabiqədə uğur qazanıb](/images/2024/07/22/20240722022953341/thumb.jpg?2024-07-22+14%3A30%3A28)
Əmək və Əhalinin Sosial Müdafiəsi Nazirliyinin tabeliyindəki DOST Rəqəmsal İnnovasiyalar Mərkəzi (DOST RİM) ABŞ-də keçirilən “19-cu illik beynəlxalq 2024 Globee® Texnologiya Müsabiqəsi”ndə uğur qazanıb.
Bu barədə 1news.az-a nazirlikdən məlumat verilib.
Bildirilib ki, mərkəzin 2023-cü il ərzində olan fəaliyyəti və əldə etdiyi nailiyyətləri barədə təqdim etdiyi iş müsabiqənin münsiflər heyəti tərəfindən yüksək qiymət alıb.
DOST RİM sosial sahənin uğurla rəqəmsallaşdırılması ilə əlaqadər “Gümüş Globee® Qalibi” mükafatına layiq görülüb.
Müsabiqədə Azərbaycanla yanaşı, ABŞ, Avstraliya, Vyetnam, Bolqarıstan, Hindistan, Almaniya, Birləşmiş Ərəb Əmirlikləri, İsrail, İsveç, Rusiya, Böyük Britaniya və bir sıra digər ölkələrin 1700-dən çox layihəsi iştirak edib.
Mərkəzin adı beynəlxalq müsabiqənin rəsmi səhifəsindəki qaliblərin siyahısında yer alıb:
https://globeeawards.com/technology/winners/
Bununla da 2024-cü ilin ötən dövrü ərzində DOST RİM-in əldə etdiyi beynəlxalq mükafat sayı 13-ə çatıb.