“Qarabağ” – “Ludoqorets” matçına 20 mindən çox bilet satılıb
"Qarabağ"ın Bakıda Bolqarıstan təmsilçisi "Ludoqorets"ə qarşı keçirəcəyi UEFA Çempionlar Liqasının III təsnifat mərhələsinin ilk oyununa indiyədək 23000 bilet satılıb.
Bu barədə 1news.az-a Ağdam klubunun mətbuat katibi Anar Hacıyev məlumat verib.
Tofiq Bəhramov adına Respublika stadionunda baş tutacaq matç üçün satışa 30000-ə yaxın bilet çıxarılıb.
Qeyd edək ki, avqustun 6-da reallaşacaq “Qarabağ” – “Ludoqorets” görüşü saat 20:00-da başlayacaq. Cavab görüşü avqustun 13-də olacaq.
520
